Праўладныя прапагандысты павяліся на фэйк пра Пушкіна ад гомельскага правакатара
Раніцай 11 лістапада ўлады ўкраінскага Жытоміра знялі з пастамента бюст Пушкіна, што стаяў у гэтым горадзе, і перавезлі яго ў музей. Відэа з працэсам дэмантажу распаўсюдзілі ўкраінскія СМІ. Расійскія і лукашэнкаўскія СМІ неўзабаве паведамілі пра тое, што падчас дэмантажу загінуў чалавек. Але аказалася, што гэтыя чуткі ў інфармацыйную прастору свядома закінуў гамяльчук, які на гэтым спецыялізуецца, піша «Флагшток».
Інфармацыя пра тое, што бюст Пушкіна пры падзенні забіў жыхара Жытоміра, на другі дзень пайшла па расійскіх СМІ, 13 лістапада пра «здарэнне» расказаў і Рыгор Азаронак на СТБ.
Але ў той жа дзень у каментарах да свайго ютуб-канала жыхар Гомеля Яўген Катляроў прызнаўся, што гэта ён стварыў ды распаўсюдзіў гэты фэйк: «Дык яны ў мяне навіну скралі, дакладней праз мяне».
Раней гамяльчук Катляроў неаднаразова дасылаў ілжывую інфармацыю ў незалежныя СМІ, а цяпер усё часцей закідае фэйкі і праўладным актывістам — сваім канкурэнтам.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары
Па якіх менавіта СМІ? Нават ультра-правы рухік «НОД» разьмясьціў на сваім канале відыя з дэмантажом стода Пушкіна. І тамака паказана, што ха... (лепей скажам: харошыя людзі) зьнялі вельмі акуратненька, лейцамі, а не кідалі бюст долу. Праз што ні адна галава, у тым ліку й самога АСа, зусім не пацярпела. Таму нездарма ж здавён кажуць, што лепей адзін раз убачыць, чым шматкроць пра гэна пачуць. І тым болей, ад ёл..чных мэдыяў.