«Купалаўцы» прадставяць новы праект — пра 1930-я. Паглядзець можна будзе ўжывую і анлайн
«Купалаўцы» прадставяць на фестывалі беларускай песні «Бардаўская восень» у Падляшскім ваяводстве Польшчы адразу два спектаклі: «Я гавару» і «37-22». Апошні — прэм'ерны
«37-22» — паэтычны спектакль беларускага рэжысёра, педагога Андрэя Саўчанкі. Галоўная ідэя спектакля — дыялог паміж трыццатымі гадамі ХХ стагоддзя і сучаснасцю, таму ў назву вынесеныя пэўныя вехі — 1937 і 2022. Што агульнага маюць гэтыя даты? Новы праект «Купалаўцаў» спрабуе супаставіць далікатную музыку тэкстаў таго часу і яе водгулле ў цяперашнім дні, сатканае з нашага жадання памятаць.
«У 30-я беларускую літаратуру хацелі знішчыць, але пакаленні даследчыкаў, паэтаў і чытачоў ратавалі яе імёны ад забыцця, разбуралі маўчанне. І вось мы на хісткай глебе 2022 года. На галасы Уладзіміра Жылкі, Уладзіміра Дубоўкі, Васіля Шашалевіча адгукаюцца творы сучасных аўтараў. Што будзе з намі цяпер? Адказы на гэтае і іншыя пытанні мы прапануем пашукаць разам», — анансуюць прэм'еру купалаўцы.
У спектаклі на сцэну выйдуць Зоя Белахвосцік, Валянціна Гарцуева, Алег Гарбуз, Алена Зуй-Вайцяхоўская, Міхась Зуй, Сяргей Чуб.
Прэм’ерны паказ спектакля адбудзецца 29 кастрычніка а 19.30 у Беластоцкім Тэатры Лялек.
Прэм'еру паэтычнага спектакля «37—22» таксама можна будзе ўбачыць у прамой трансляцыі на ютуб-канале купалаўцаў 29 кастрычніка ў 20.30 паводле беларускага часу.
Уваход на ўсе мерапрыемствы бясплатны і без запрашэнняў.
-
«Я вам скажу — зусім не тое!» На 80‑годдзі ва Уроцлаве Някляеў параўнаў пацалункі Брэжнева і Ціханоўскай
-
У Вене за 776 тысяч еўра нахілілі помнік мэру. Яго антысемітызм натхняў Гітлера
-
У Пружанскім касцёле новы арган, які прывезлі з Нідэрландаў. Папярэдні касцельны арган пусцілі на дровы для Дома культуры
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары