Уладальнік бара «Слоікі-Бутэлькі» усё яшчэ не выйшаў на волю. Затрымалі і ягоную жонку
Уладальнік бара «Слоікі-Бутэлькі» Андрэй Жук да гэтага часу не выйшаў на свабоду, хоць ягоны адміністрацыйны арышт павінен быў скончыцца не пазней за 5 верасня, даведалася выданне «Зеркало». Таксама, па інфармацыі «Зеркала», затрыманая яго жонка Марыя.
3 жніўня на вуліцы Зыбіцкай у Мінску прайшоў вулічны канцэрт мінскай спявачкі Мэрыем Герасіменка на тэрасе бара «Слоікі-Бутэлькі». Сярод песень, якія выканала спявачка, былі і творы ўкраінскага гурта «Акіян Эльзы» — як мінімум трэк «Обійми». Відэа прыхільнікі публікавалі ў сацсетках.
Спявачку ў той жа дзень затрымалі, а праз некалькі дзён ёй прысудзілі 15 сутак арышту. На наступны дзень пасля канцэрта ў бар «Слоікі-Бутэлькі» прыйшлі праверкі з санстанцыі і МНС, а пазней быў затрыманы ўладальнік бара Андрэй Жук. Увечары 5 жніўня стала вядома, што яму далі 30 сутак арышту. З таго моманту ён так і не выйшаў на волю.
Акрамя таго, як расказалі «Зеркалу» знаёмыя сям'і ўладальніка бара, цяпер затрыманая і жонка Андрэя, Марыя Жук. У чым менавіта яе абвінавачваюць і чаму на волю ўсё яшчэ не выйшаў Андрэй Жук, пакуль невядома.
У затрыманых мужа і жонкі двое непаўналетніх дачок. Што будзе з дзяўчынкамі, суразмоўцы пакуль не ведаюць.
Мэрыем Герасіменка пасля затрымання некалькі разоў прысуджалі чарговыя тэрміны па адміністрацыйнай справе, а 27 верасня, калі стала вядома, што яна не выйшла на волю пасля чарговага арышту, адзін з телеграм-каналаў сілавікоў апублікаваў відэа з дзяўчынай.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары