Ціханоўская: Сахашчык плануе адмовіцца ад расійскага грамадзянства
Святлана Ціханоўская ў інтэрв'ю сайту «Зеркало» сказала, што не ведала пра наяўнасць у Валерыя Сахашчыка расійскага пашпарта. Цяпер, паводле яе, праводзіцца ўнутранае расследаванне і будуць выпраўляцца памылкі.
«Дзеянні Валерыя з моманту пачатку вайны ва Украіне паказалі, што ён у першую чаргу адстойвае інтарэсы беларусаў, а не чужыя ці нават свае ўласныя. Ён стаў першым беларускім афіцэрам, які звярнуўся да вайскоўцаў з заклікам не здзяйсняць злачынстваў супраць народаў Беларусі і Украіны і не выконваць злачынныя загады. Валерый узяў на сябе кірунак па нацыянальнай бяспецы і абароне ў Аб'яднаным кабінеце, ведаючы, якую небяспеку і адказнасць гэта за сабой цягне», — расказала Ціханоўская.
«Мы выдатна разумелі, што спробы з боку рэжыму дыскрэдытаваць членаў Кабінета непазбежныя, і гэта толькі першая. Фігура Сахашчыка стала адной з найбольш небяспечных для іх, таму ён сам, яго блізкія і яго рэпутацыя будуць пад пастаяннымі ўдарамі прапаганды», — адзначыла яна.
Паводле Ціханоўскай, Валерый Сахашчык ужо выказаў жаданне аформіць афіцыйную адмову ад расійскага грамадзянства, каб пазбегнуць далейшых нападаў з боку прапаганды.
Чытайце таксама:
Спецслужбы пры ператрусе знайшлі ў Сахашчыка расійскі пашпарт. Як гэта тлумачыць сам афіцэр?
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
Ссветта, российский паспорт не просто в тумбочке у него лежал, якобы давно забытый, а он активно (активно!) пользовался им