Грамадства77

Сілавікі і Качанава хочуць адпраўляць алкаголікаў у ЛПП без рашэння суда, і каб яны самі за гэта плацілі

30 жніўня старшыня Савета Рэспублікі Наталля Качанава на нарадзе з дэпутатамі, намеснікамі старшыні аблвыканкамаў, сілавікамі, медыкамі і педагогамі абмяркоўвала, што трэба рабіць далей з п'яніцамі, піша «СБ».

Качанава заявіла, што трэба «прымаць больш сур'ёзныя меры ў адносінах да тых асобаў, якія злоўжываюць і не даюць спакойна жыць сваім сем'ям, так і грамадству ў цэлым». Для гэтага Савет Рэспублікі, маўляў, рэгулярна праводзіць выязныя прэзідыумы, нарады і дыялогавыя пляцоўкі, падчас якіх думае, што з гэтым рабіць.

Сур'ёзныя меры ў беларускіх уладаў, як правіла, аднаго характару — рэпрэсіўныя. Прысутны на нарадзе намеснік міністра ўнутраных спраў Юрый Назаранка прапанаваў накіроўваць алкаголікаў у восем існуючых на сённяшні дзень ЛПП, але рабіць гэта па больш простай схеме, чым раней.

Паводле слоў Назаранкі, Лукашэнка нядаўна даў даручэнне МНС спрасціць парадак накіравання алкаголікаў у ЛПП, выключыўшы прыняцце рашэння судом. Паводле падрыхтаванага сілавікамі закона,

пасля яго прыняцця будзе дастаткова правядзення толькі аднаго медыцынскага агляду, а пасля таго можна будзе накіроўваць чалавека ў ЛПП па агульным парадку.

Качанава пры гэтым заўважыла, што

сам хворы на алкагалізм мусіць адпрацаваць сваё ўтрыманне ў ЛПП, бо «дзяржава марнуе грошы на ўтрыманне людзей, якія знаходзяцца там, і на выхадзе павінен быць вынік».

Паводле звестак на 2021 год, у Беларусі на афіцыйным уліку ў нарколагаў знаходзіцца блізу 160 тысяч алкаголікаў. Узровень ужывання алкаголю ў Беларусі ў 2020 годзе складаў 10,8 літра чыстага спірту на чалавека ва ўзросце ад 15 гадоў.

Каментары7

  • медавуха на падаконніку
    30.08.2022
    і на выхадзе павінен быць вынік
    *********************************************
    ЛПП існуюць з часоў СССР, сёння у Беларусі 8 ЛПП. Ну і які вынік гэта дало? А прыбраць с паліц крамаў алкаголь і вынесці яго за межы гарадоў як у Швецыі? Не, гэта рэжыму не падабаецца. Бо тады упадуць даходы ад алкаголю, а рэжыму трэба каб беларусы працягвалі піць, а потым плацілі штрафы і адпрацоўвалі ў ЛПП. Трайны профіт.
  • даведка
    30.08.2022
    Два адепта самого отрицательного советского опыта, Лукашенко и Кочанова, решили ещё возродить ГУЛАГ.
  • даведка
    30.08.2022
    Зачем такая спешка и внесудебных порядок изоляции, если все ЛТП (даже женские) и так забиты под завязку?!

Цяпер чытаюць

БНТУ: Выкладчык, які ўцякаў ад міліцыі, памёр ад сардэчнага прыступу

БНТУ: Выкладчык, які ўцякаў ад міліцыі, памёр ад сардэчнага прыступу

Усе навіны →
Усе навіны

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі5

Мерц паабяцаў дапамагчы Украіне з распрацоўкай уласнай дальнабойнай зброі1

«Вінны 500 рублёў». Беларус вырашыў захоўваць зберажэнні ў еўра, але трапіў у невідавочную пастку1

Фатограф-агент Мішчук расказаў сваю версію таго, што адбылося12

У Мінску здаецца пасутачна кватэра, у якой няма дзвярэй у прыбіральню. З канапы адкрываецца від і на тэлевізар, і на ўнітаз

больш чытаных навін
больш лайканых навін

БНТУ: Выкладчык, які ўцякаў ад міліцыі, памёр ад сардэчнага прыступу

БНТУ: Выкладчык, які ўцякаў ад міліцыі, памёр ад сардэчнага прыступу

Галоўнае
Усе навіны →

Заўвага:

 

 

 

 

Закрыць Паведаміць