Siłaviki i Kačanava chočuć adpraŭlać ałkaholikaŭ u ŁPP biez rašeńnia suda, i kab jany sami za heta płacili
30 žniŭnia staršynia Savieta Respubliki Natalla Kačanava na naradzie z deputatami, namieśnikami staršyni abłvykankamaŭ, siłavikami, miedykami i piedahohami abmiarkoŭvała, što treba rabić dalej z pjanicami, piša «SB».
Kačanava zajaviła, što treba «prymać bolš surjoznyja miery ŭ adnosinach da tych asobaŭ, jakija złoŭžyvajuć i nie dajuć spakojna žyć svaim siemjam, tak i hramadstvu ŭ cełym». Dla hetaha Saviet Respubliki, maŭlaŭ, rehularna pravodzić vyjaznyja prezidyumy, narady i dyjałohavyja placoŭki, padčas jakich dumaje, što z hetym rabić.
Surjoznyja miery ŭ biełaruskich uładaŭ, jak praviła, adnaho charaktaru — represiŭnyja. Prysutny na naradzie namieśnik ministra ŭnutranych spraŭ Juryj Nazaranka prapanavaŭ nakiroŭvać ałkaholikaŭ u vosiem isnujučych na siońniašni dzień ŁPP, ale rabić heta pa bolš prostaj schiemie, čym raniej.
Pavodle słoŭ Nazaranki, Łukašenka niadaŭna daŭ daručeńnie MNS spraścić paradak nakiravańnia ałkaholikaŭ u ŁPP, vyklučyŭšy pryniaćcie rašeńnia sudom. Pavodle padrychtavanaha siłavikami zakona,
paśla jaho pryniaćcia budzie dastatkova praviadzieńnia tolki adnaho miedycynskaha ahladu, a paśla taho možna budzie nakiroŭvać čałavieka ŭ ŁPP pa ahulnym paradku.
Kačanava pry hetym zaŭvažyła, što
sam chvory na ałkahalizm musić adpracavać svajo ŭtrymańnie ŭ ŁPP, bo «dziaržava marnuje hrošy na ŭtrymańnie ludziej, jakija znachodziacca tam, i na vychadzie pavinien być vynik».
Pavodle źviestak na 2021 hod, u Biełarusi na aficyjnym uliku ŭ narkołahaŭ znachodzicca blizu 160 tysiač ałkaholikaŭ. Uzrovień užyvańnia ałkaholu ŭ Biełarusi ŭ 2020 hodzie składaŭ 10,8 litra čystaha śpirtu na čałavieka va ŭzroście ad 15 hadoŭ.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary