Рэцэпт на выхадныя. Сібас у корачцы з эстрагону — лёгкая і карысная вячэра
Скарыстайцеся гэтым рэцэптам — і атрымаеце на вячэру хрусткую рыбку з корачкай з сыру і эстрагону. Падавайце яе з маладой бульбай і зелянінай. Сібас у рэцэпце можна замяніць на стронгу ці камбалу — будзе не менш смачна.
Фота: BBC Food
Каб згатаваць сібаса ў корачцы з эстрагону, вам спатрэбіцца:
- 4 філе сібаса (са скуркай)
- 40 грамаў масла
- 60 грамаў здрабнёных кукурузных шматкоў ці здрабнёнага сухога пячэння (крэкераў)
- дробна парубленая цэдра аднаго лімона
- сок паловы лімона
- 1 сталовая лыжка парубленага свежага эстрагону (ці 1 чайная лыжка сушанага эстрагону)
- 40 грамаў цёртага пармезану
- 200 грамаў смятаны
- дробка цукру
- соль
- молаты чорны перац
- Разагрэйце духоўку да 200 градусаў. Высцеліце бляху паперай для выпякання.
- Добра прыпраўце філе сібаса з абодвух бакоў соллю і перцам.
- Растапіце масла ў плоскай патэльні. Здыміце з агню, дадайце здрабнёныя шматкі, цэдру і палову эстрагону. Перамяшайце і адстаўце ў бок.
- Раскладзіце на бляхе палову сумесі з эстрагонам у выглядзе чатырох радоў. Пакладзіце на сумесь філе скуркай уніз і крыху прыцісніце на секунду. Пакрыйце кожнае філе рэшткамі сумесі і пасыпце рыбу пармезанам. Выпякайце рыбу 12—15 хвілін, пакуль яна не прапячэцца.
- Каб зрабіць соус, перамяшайце смятану, рэшткі эстрагону, цукар і лімонны сок, прыпраўце сумесь соллю і перцам.
- Падавайце рыбу з соусам і долькамі лімона.
Рэцэпт на выхадныя: каралеўская ватрушка
Фалафель: вы думаеце, што гэта складана — ані!
Італьянскія выхадныя: гатуем сырную лазанню
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»30
Каментары