Расійскія СМІ публікуюць відэа здачы ў палон параненых абаронцаў Марыупаля з «Азоўсталі»
На запісе расіяне ў камуфляжы і з белымі павязкамі абшукваюць параненых і тых байцоў, якія нясуць іх на насілках.
Украінскія абаронцы — з заплечнікамі. У канцы відэа паказваецца, як параненым робяць перавязку. На апошніх кадрах украінскія байцы — у аўтобусах.
«Выратаванне абаронцаў Марыупаля магчымае толькі па адной схеме», — сказала сёння намеснік міністра абароны Ганна Маляр.
«Ваенная дэблакада немагчымая ў гэтай сітуацыі. І іншай формулы выратавання, чым тая, якая выкарыстоўваецца цяпер, быць не можа», — заявіла яна.
Аперацыя будзе праводзіцца да вяртання вайскоўцаў на падкантрольную Украіне тэрыторыю. Для гэтага неабходная працэдура абмену.
Чытайце таксама:
Украінскі бок называе выхад абаронцаў «Азоўсталі» «гуманітарнай аперацыяй»
«Українські герої потрібні Україні живими». З «Азоўсталі» вывезлі цяжкапараненых украінскіх вайскоўцаў
Беларус набыў кватэру ў Іспаніі, але яе занялі акупасы. Цяпер ён не можа яе вярнуць44
Каментары