Муж палітзняволенай Наталлі Хершэ напісаў, што разрывае з ёй адносіны
Палітзняволеная Наталля Хершэ паведаміла ў лісце да брата, што яе муж Роберт вырашыў разарваць з ёю адносіны. Роберт паведаміў Наталлі, што «не можа вытрымаць разлукі і разрывае нашы адносіны», піша «Радыё Свабода».
«Канечне, мне патрэбен час, каб прывесці свае пачуцці ў стан спакою, але вялікай трагедыі стараюся з гэтага не рабіць. Яго можна зразумець, і асуджаць яго я не збіраюся, — піша Наталля. — Іншым разам мы не можам паўплываць на абставіны жыцця, застаецца толькі прыняць іх з удзячнасцю. Так, гэта ўсё звязана з духоўнай працай над сабой. Дык а для чаго тады турма, калі не менавіта для гэтага».
Грамадзянка Швейцарыі, беларуска Наталля Хершэ была асуджаная да двух з паловай года за сарваную з сілавіка балаклаву на акцыі 19 верасня 2020 года.
Чытайце таксама: Палітзняволеную Наталлю Хершэ перавядуць у мужчынскую турму ў Магілёве
«У Швейцарыі ў яе было цудоўнае жыццё, але яна лічыла, што цяпер мусіць быць на радзіме». Хто такая Наталля Хершэ, якую пасадзілі за сарваную балаклаву
Цяпер чытаюць
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей16
Каментары