Грамадства

Чысткі ў Магілёўскім універсітэце: прымусілі сысці ўжо трох беларускамоўных выкладчыкаў

Усе трое яшчэ год таму віселі на дошцы гонару ВНУ, а цяпер аказаліся непатрэбнымі.

«Я быў змушаны напісаць заяву па ўласным жаданні, інакш мяне б звольнілі па артыкуле аб недастатковай кваліфікацыі», — кажа прафесар кафедры археалогіі і гісторыі Беларусі Аляксандр Агееў, які працаваў у ВНУ з 1991 года.

Агееў — вядомы ў Магілёве чалавек. Прычым вядомы не толькі як выкладчык, ён удзельнічаў і ў грамадска-палітычным жыцці краіны, быў у шэрагах БНФ і ТБМ. У 2003 і 2007 гадах абіраўся дэпутатам у Магілёўскі гарсавет. Уваходзіў у тапанімічную камісію пры гарвыканкаме. Выдаваў альманах «Магілёўская даўніна», а таксама сумесна з Алегам Трусавым напісаў кнігу «Магілёўская ратуша». Такіх знаўцаў гісторыі Магілёва не так шмат, але ў далейшым супрацоўніцтве ўніверсітэт больш не зацікаўлены, пры тым што ёсць недахоп кадраў.

Аляксандр Агееў. Фота з фэйсбука.

Рэч у тым, што ў Магілёўскім дзяржаўным універсітэце імя Куляшова нядаўна працавала атэстацыйная камісія, яна скончыла работу 31 мая. Па яе выніках некаторым з супрацоўнікаў і было прапанавана звольніцца.

«Рашэнне прымаецца «калектыўным рэктарам», — смяецца Аляксандр Агееў. — Сам рэктар кажа, што не можа не давяраць высновам атэстацыйнай камісіі, у працы якой ён не браў удзелу».

Рэктар МДУ — вядомы гісторык і археолаг Дзяніс Дук, вучань Георгія Штыхава і Сяргея Тарасава. Калісьці Лукашэнка называў кнігу Дука і Вольгі Ляўко «здаровым нацыяналізмам».

Па звестках «Нашай Нівы», у час працы атэстацыйная камісія засяроджвалася не столькі на прафесійнай дзейнасці выкладчыкаў, як на тым, што яны пісалі ў сацыяльных сетках ці як выказваліся публічна. На гэтай падставе і выносіліся рашэнні.

«Смяёмся: яшчэ нядаўна ўсе трое віселі на дошцы гонару, а Шаруха дык на самай важнай дошцы гонару ўніверсітэта, а цяпер непатрэбныя», — кажа Агееў.

Ігар Шаруха. Фота з фэйсбука.

Ігар Шаруха — прафесар кафедры прыродазнаўства, нейкі час пабыў і дэканам. Ён ва ўніверсітэце ад 1993 года. Яго лічаць ці не найлепшым географам Магілёва. Шаруха ўзначальвае абласное аддзяленне Беларускага геаграфічнага таварыства. Меў шматлікія граматы-падзякі ад Міністэрства адукацыі.

Віталь Еўмянькоў. Фота з фэйсбука.

Трэцім выкладчыкам, які быў вымушаны сысці з МДУ, стаў дацэнт кафедры літаратуры і міжкультурных камунікацый Віталь Еўмянькоў. ВНУ Еўмянькоў аддаў 21 год працы.

«Шчыра кажучы, шкада. Шкада ўніверсітэт, шкада студэнтаў», — напісаў у фэйсбуку Еўмянькоў.

Усе трое — гэта беларускамоўныя выкладчыкі. Агееў кажа, што пэўныя прапановы аб працы ўжо маюцца. «Людзі падзяліліся: хтосьці мне спачувае, а хтосьці, наадварот, віншуе», — кажа ён.

Каментары

Пад Мінскам адбыўся магутны выбух на газавым трубаправодзе7

Пад Мінскам адбыўся магутны выбух на газавым трубаправодзе

Усе навіны →
Усе навіны

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

Адначасова дзве аварыі пад Мінскам, пацярпелі некалькі чалавек. Людзі кажуць пра зачараваны ўчастак трасы

«Пакуль не чуў, каб беларусаў дэпартавалі». Амерыканскі адвакат пра міграцыйную палітыку ЗША пры Трампе2

Купалаўскі тэатр прапаноўвае новую паслугу: цяпер там можна пабрацца шлюбам13

Крутога айцішніка, які вярнуўся з Грузіі, асудзілі па чатырох палітычных артыкулах10

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

больш чытаных навін
больш лайканых навін

Пад Мінскам адбыўся магутны выбух на газавым трубаправодзе7

Пад Мінскам адбыўся магутны выбух на газавым трубаправодзе

Галоўнае
Усе навіны →

Заўвага:

 

 

 

 

Закрыць Паведаміць