За засваенне Марса чалавецтву, магчыма, прыйдзецца заплаціць жыццямі першых добраахвотнікаў, якія адправяцца на чырвоную планету.
Пра гэта паведаміў кіраўнік амерыканскай кампаніі Space X Ілан Маск, перадае CNN.
«Шчыра кажучы, куча людзей, верагодна, памрэ спачатку. Дабрацца туды няпроста», — адзначыў ён.
Маск дадаў, што на вывучэнне Марса будуць адпраўляць толькі добраахвотнікаў. Суразмоўца CNN сказаў, што існуе вялікая колькасць ахвотных узяць удзел у такой экспедыцыі.
Па словах прадпрымальніка, іх чакаюць «выдатнае падарожжа» і «надзвычайны вопыт». «Так, можна памерці. Будзе нязручна, і ежа, верагодна, будзе не вельмі добрай, і іншыя падобныя рэчы. Але калі вас прыцягвае цяжкая і небяспечная, але выдатная прыгода, то Марс — самае адпаведнае для яе месца» — рэзюмаваў Маск.
На думку заснавальніка Space X, заваяванне Марса, як і іншых планет неабходна для выжывання чалавецтва.
Летась Маск казаў, што яго кампанія зможа ўпершыню даставіць чалавека на Марс праз шэсць гадоў. «Калі нам пашанцуе, то, можа, і за чатыры гады», — меркаваў ён. Адпраўка беспілотнай місіі SpaceX на Марс плануецца на працягу двух гадоў.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары