У Віцебскую БХМД, дзе адбылося надзвычайнае здарэнне з падачай кіслароду хворым на ШВЛ — і пра яго распавёў загадчык аддзялення анестэзіялогіі і рэанімацыі Уладзімір Мартаў, — зноў прыехала камісія з Мінска. Акрамя таго, доктара і яго калег апытаў следчы. Пра гэта Tut.by паведаміў Уладзімір Мартаў.
— Камісія прыехала ў бальніцу 16 сакавіка і яшчэ знаходзіцца ў нас. Прадстаўнікі камісіі пакуль са мной не размаўлялі. У дактароў, якія дзяжурылі 7 і 8 студзеня, сабралі тлумачальныя, — распавёў Уладзімір Мартаў.
Загадчык аддзялення анестэзіялогіі і рэанімацыі БХМД таксама паведаміў, што сітуацыяй з падачай кіслароду зацікавіўся СК:
— Пазаўчора, 15 сакавіка, мяне апытваў следчы — пра падрабязнасці надзвычайнага здарэння. Учора і сёння на гэтую тэму гутараць з маімі калегамі. СК правярае факты, якія я агучыў Tut.by: ці было на самай справе надзвычайнае здарэнне.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі16
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары