Бацька пакінуў 7‑гадовага сына аднаго на найвышэйшай гары Японіі, а сам працягнуў узыходжанне
На гары Фудзі ў Японіі сямігадовага хлопчыка знайшлі аднаго на лаўцы ў тумане і пад дажджом. Дзіця знаходзілася на вышыні больш за 2000 метраў і мела пры сабе толькі газаваны напой і невялікі перакус, паведамляе Бі-бі-сі.
Паводле паведамленняў мясцовых СМІ, 48‑гадовы бацька пасля таго, як сын паскардзіўся яму на стомленасць, сказаў яму чакаць на месцы і працягнуў узыходжанне разам са старэйшым сынам.
Работнікі горнага прытулку знайшлі хлопчыка каля шостай станцыі аднаго з маршрутаў і паведамілі ў паліцыю. Бацьку пазней адшукалі на восьмай станцыі, да якой ад месца знаходжання дзіцяці трэба было ісці каля трох гадзін.
Хлопчыка знайшлі каля 7:30 раніцы ў чацвер па мясцовым часе. Калі мужчына вярнуўся да сына, паліцыянты правялі з ім размову і зрабілі заўвагу, што пакідаць маленькае дзіця адно ў такіх умовах недапушчальна, нават калі дзеля гэтага давядзецца адмовіцца ад сумеснага ўзыходжання.
Як паведамляецца, бацька прызнаў, што прыняў неабдуманае рашэнне, і папрасіў прабачэння.
Сям'я ішла маршрутам Фудзіномія, які пачынаецца ад пятай станцыі гары. Адтуль да вяршыні звычайна трэба каля пяці гадзін, а спуск займае яшчэ прыкладна тры гадзіны.
Фудзі — дзейны вулкан вышынёй 3776 метраў, размешчаны на паўднёвы захад ад Токіа. Гэта самая высокая гара Японіі. У 2013 годзе яна была ўключаная ў спіс Сусветнай спадчыны ЮНЕСКА.
Штогод на Фудзі падымаюцца каля 200 тысяч чалавек. Пры гэтым на некаторых маршрутах дзейнічаюць абмежаванні на колькасць наведвальнікаў, каб не дапускаць празмернага скаплення людзей. У апошнія гады на гары адбылося некалькі здарэнняў, звязаных з узыходжаннямі.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
А калі сурёзна, то мужык доўбень.