Яшчэ трое пратэстоўцаў атрымалі тэрміны за надпіс «Не забудзем» на месцы гібелі Тарайкоўскага
8 снежня агучылі прысуды яшчэ тром аўтарам надпісу ў памяць аб загінулым удзельніку пратэстаў Аляксандры Тарайкоўскім. Пракурор адмовілася ад аднаго з артыкулаў абвінавачвання, але папрасіла ў суда пазбаўленне волі для аднаго з падсудных, паведамляе spring96.org.
Справу вяла суддзя Фрунзенскага раёна Юлія Крэпская. На лаве падсудных — Дзяніс Граханаў, Ігар Самусенка, Уладзіслаў Гуліс.
Спачатку дзеянні фігурантаў справы кваліфікаваліся па двух артыкулах: ч. 2 арт. 339 КК — «Хуліганства, здзейсненае групай асоб», і ч. 2 арт. 218 КК — «Наўмыснае знішчэнне альбо пашкоджанне маёмасці, здзейсненыя агульнанебяспечным спосабам альбо якія пацягнулі прычыненне шкоды ў буйным памеры».
Падчас спрэчак бакоў пракурор Валерыя Таратынка адмовілася ад абвінавачванняў па ч. 2 арт. 218 Крымінальнага кодэкса.
У выніку яна папрасіла суд пакараць Уладзіслава Гуліса 2 гадамі зняволення ў калоніі (ён быў раней асуджаны), а Дзяніса Граханава і Ігара Самусенку асудзіць на 1,5 года абмежавання волі з накіраваннем у папраўчую ўстанову адкрытага тыпу, так званую хімію.
У выніку Дзяніс Граханаў і Ігар Самусенка атрымалі па паўтара года «хіміі» — абмежавання волі ва ўстанове адкрытага тыпу. Уладзіслаў Гуліс — два гады калоніі строгага рэжыму.
***
Сёння суддзя Фрунзенскага раёна Мінска Юлія Блізнюк прызнала Марыю Бабовіч і Максіма Паўлюшчыка вінаватымі паводле ч. 2 артыкула 339 КК (хуліганства). Максіму Паўлюшчыку далі два гады калоніі агульнага рэжыму, Марыі Бабовіч — 1,5 года абмежавання волі, так званай «хатняй хіміі».
Хатняя хімія і рэальнае пакаранне: вынеслі першы прысуд за надпіс на месцы гібелі Тарайкоўскага на Пушкінскай
Цяпер чытаюць
Былы палкоўнік ГРУ Папоў стварыў фірму ў Польшчы і цёрся каля апазіцыі. Але падазрэнні выклікае не толькі ён1
Каментары