За дзень да канцэрта адмянілі выступ гурта J:Морс у Маладзечне

Сённяшні канцэрт гурта «J:Морс» у амфітэатры ў Маладзечне адмянілі за дзень да выступлення. Палац культуры афіцыйна заявіў, што ўсё з-за каранавіруса і таго факта, што людзі ў апошнія дні з-за прагнозу надвор'я здавалі квіткі. Але лідар гурта Уладзімір Пугач гэтыя прычыны называе трызненнем і лічыць, што рэкамендацыя не праводзіць канцэрт «J: Морс» паступіла ў Маладзечанскі райвыканкам «зверху», піша TUT.BY. 

Павялічыць

Дамову на канцэрт гурта «J: Морс» арганізатар мерапрыемства і Дзяржаўная ўстанова Палац культуры Маладзечна заключылі яшчэ 15 студзеня. З-за каранавіруса ён перанёсся: спачатку на лета, потым і на восень. Павінен быў прайсці сёння, 10 верасня, але за суткі да мерапрыемства арганізатару (прыватнаму канцэртнаму агенцтву «4А-івэнт») прыйшоў ліст, у якім гаварылася, што ў сувязі з эпідэміялагічным становішчам, рэкамендацыяй Міністэрства аховы здароўя і дрэнным надвор'ем, з-за якога гараджане здаюць квіткі, праводзіць канцэрт немэтазгодна.

— Да цяперашняга часу эпідэміялагічная сітуацыя не стабілізавалася, што ўплывае на рэалізацыю квіткоў, і, адпаведна, на рэнтабельнасць праекта. Акрамя таго, у апошні час грамадзяне ажыццяўляюць вяртанне білетаў у сувязі з прагнознымі неспрыяльнымі ўмовамі надвор'я. Улічваючы гэта, праводзіць мерапрыемства лічым немэтазгодным, — сказана ў афіцыйным адказе Палаца культуры за подпісам яго дырэктара Святланы Сарокі.

Менавіта гэты афіцыйны ліст гурт апублікаваў у сваім Instagram і напісаў, што яшчэ ўчора ўвечары яны рэпетавалі і рыхтаваліся сустрэцца з жыхарамі Маладзечна на канцэрце ў амфітэатры, але адміністрацыя «літаральна за суткі да канцэрта ўсвядоміла складанасць эпідэміялагічнай сітуацыі ў горадзе».

Уладзімір кажа, што ім маглі прапанаваць не адмяняць канцэрт, а зноў перанесці, як гэта ўжо некалькі разоў рабілі.

— Мы б проста папрасілі прабачэння перад гледачамі і жылі б неяк далей. Але калі людзі, якія набылі квіткі, даведваюцца ў дзень канцэрта, што ён адмяняецца, гэта непрыгожа. Сітуацыя мне падказвае, што сам ДК быў гатовы праводзіць канцэрт, але хутчэй за ўсё ім парэкамендавалі нейкія вышэйшы арганізацыі яго не праводзіць. Пазіцыя групы такая: неправядзенне канцэрта на самай справе не мае ніякага дачынення да ўказаных у афіцыйным лісце прычын.

Тым не менш гурт скарыстаўся сітуацыяй і тымі аргументамі, якія Палац культуры прад'явіў ім у якасці падставы для адмены канцэрта.

— Мы настаялі на тым, каб не адмяняць канцэрт, а яшчэ раз перанесці. І Палац культуры пагадзіўся, прызначылі новую дату — 11 снежня. На мой погляд, разважалі яны як у вядомай прыпавесці: да гэтага моманту альбо ішак здохне, альбо падышах.

Суразмоўца не агучвае свае здагадкі, чаму сённяшні канцэрт маглі адмяніць. Адзначым, што гурт публічна падтрымліваў пратэстоўцаў і нават даваў некалькі бясплатных канцэртаў. Напрыклад, яны ездзілі ў Салігорск да шахцёраў у перыяд забастоўкі, каб падбадзёрыць іх.

• 0
• 0
• 0
• 0
• 0
• 0
• 0
• 0