29 лютага ў Брэсце — унікальны кніжны фестываль «Прадмова»: будуць Акудовіч, Бахарэвіч, Сідарэвіч, Ганна Севярынец…
29 лютага ў прасторы «КХ» (вул. Халтурына, 2/1) адбудзецца фестываль інтэлектуальнай кнігі «Pradmova». Цягам дня з вамі — пісьменнікі, інтэлектуалы, музыкі, выдаўцы і іншыя героі нашага часу.
Праграма:
12.00-12.20 Сяргей Амяльчук «Кароль Маціяш I Корвін і паэтка Ніна Мацяш. Разгадка роду».
12.20-12.40 Яўген Бяласін: «Што літаратура, а што не». Спроба вобразна-мікраэсэістычнага вызначэння.
12.40-13.10 Ганна Янкута, Ігар Крэбс і Юля Цімафеева з прэзентацыяй навінак серыі: Фернанду Песоа, Энхедуанна, Георг Гайм, Стывен Крэйн.
13.10-13.40 «Калі прыгледзецца — Марс сіні»: прэзентацыя антырамана Змітра Вішнёва.
13.40-14.00 Белліт за 5 хвілін: буктрэйлеры Прэміі Гедройца-2019 з Таццянай Нядбай.
14.00-14.40 Што засталося ад беларускай класікі? Размова пра канон з Ганнай Севярынец.
14.40-15.10 «Мае 90-я» з Альгердам Бахарэвічам.
15:10-15.40 «Ангельскія раздзяўбаі ў беларускай байдарцы». Размова пра класічную сатыру з перакладчыкам рамана Джэрома К. Джэрома «Трое ў чоўне і пёс з імі» Паўлам Касцюкевічам.
15.40-16.40 Маналогі з Богам: гутарка з Валянцінам Акудовічам.
16.40-17.00 Прэзентацыя кнігі «Уводзіны ў філасофію» з яе ўкладальнікамі Паўлам Баркоўскім і Анатолем Сідарэвічам.
17.00-18.00 Дзмітрый Строцаў з прэзентацыяй кнігі аднаго верша «Отец и сын» і паэты круга «Мінскай школы» (Надзея Кахновіч, Наста Кудасава, Вольга Злотнікава, Таццяна Светашова, Таццяна Скарынкіна).
18.00-19.00 Дыскусія «Перакласці на родную канапу. Сучасны мастацкі пераклад у дзеянні». Удзельнікі Альгерд Бахарэвіч, Юлія Цімафеева і Ганна Янкута. Мадэратар Павал Касцюкевіч («Вандроўная кнігарня»).
19.00-20.00 Паэтычны мікрафон: Ганна Комар, Уладзімір Глазаў, Юлія Цімафеева, Дар’я Бялькевіч.
20.00-20.30 Музычны эпілог ад Lear (акустычны выступ).
20:30 завяршэнне фестывальнага дня.
Уваход на ўсе часткі праграмы вольны.
Можна будзе не толькі паслухаць літаратараў і музыкаў, але і набыць часопісы «Наша гісторыя», «Асцярожна: дзеці!», «Дуду», а таксама кнігі выдавецтваў «Логвінаў», «Галіяфы», «Янушкевіч», «Arche» ды атрымаць аўтографы аўтараў і перакладчыкаў.
«Pradmova» — пляцоўка для камунікацыі паміж выдаўцамі, аўтарамі, рэдактарамі, ілюстратарамі, дызайнерамі і чытачамі. Фестываль праходзіць ад 2018 года ў Мінску і рэгіёнах Беларусі. Штогод у ім бяруць удзел найлепшыя беларускія і замежныя літаратары, а праграма складаецца з дзясяткаў разнастайных імпрэз.
Каментары