Анкахворыя павінны паведамляць лекарам, калі дадаткова прымаюць раслінныя прэпараты, бо гэта можа зашкодзіць працэсу лячэння. Пра гэта заявілі ўдзельнікі канферэнцыі па праблемах раку, піша bbc.com.
Капсулы з экстрактам часныку, імбіру, гінкга білоба могуць, напрыклад, запавольваць гаенне ран падчас развіцця раку малочнай залозы.
Хірург-анколаг, прафесар Марыя Жаао Кардоса заявіла, што пакуль няма навуковых доказаў эфектыўнасці гамеапатыі і крэмаў пры лячэнні анкалогіі.
«Дактары павінны дзейнічаць больш актыўна, цікавіцца, ці не прымаюць іх пацыенты дадатковыя прэпараты падчас анкалячэння», — падкрэслівае яна.
Асабліва важна, на думку доктара, каб пацыенты заўсёды раіліся, перш чым паспрабаваць дадатковыя метады лячэння раку.
Небяспека ў тым, што многія прадукты могуць перашкаджаць гарманальнай тэрапіі або хімічтэрапеўтычным працэдурам, а некаторыя ўплываюць на працэс згортвання крыві — у выніку раны могуць гаіцца даўжэй, пакідаючы больш рубцоў.
Яна назвала прадукты расліннага паходжання, якія запавольваюць згортванне крыві:
андраграфіс мяцельчаты
маруна
часнык
гінкга білоба
жаньшэнь
глог
конскі каштан
куркума.
Некаторыя дадатковыя метады лячэння могуць прывесці да таго, што стандартныя метады не будуць працаваць так, як павінны, папярэджвае дабрачынная арганізацыя па вывучэнні раку ў Вялікабрытаніі Cancer Research UK.
На сваім сайце яны нагадваюць: важна пазбягаць некаторых прадуктаў харчавання і напояў. Напрыклад, грэйпфрут і апельсін могуць уплываць на расшчапленне прэпаратаў супраць раку ў арганізме.
У інтэрнэце шмат неправеранай інфармацыі, таму размова з урачом гарантуе атрыманне дакладнай інфармацыі, якая дапаможа хвораму зрабіць свядомы выбар.
Сярод метадаў, якія станоўча ўплываюць на якасць жыцця хворага, прафесар Кардоса выдзеліла ёгу, тэрапію рэйкі і акупунктуру.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары