Мядзведзеў заявіў, што для Расіі ніякіх правілаў у дачыненні да Кіева больш няма
Таксама Мядзведзеў заявіў, што Гаагскія канвенцыі пра законы і звычаі вайны больш не патрэбныя.
З-за частых атак УСУ на расійскія гарады для Масквы ніякіх правілаў у дачыненні да Кіева больш няма і быць не можа, заявіў былы прэзідэнт Расіі, намеснік старшыні Рады бяспекі Дзмітрый Мядзведзеў у Max, піша Бі-бі-сі.
Па яго словах, адзіным выключэннем для Масквы з’яўляецца «наўмыснае, гэта значыць загадзя свядомае, знішчэнне грамадзянскіх асоб».
Таксама Мядзведзеў заявіў, што Гаагскія канвенцыі пра законы і звычаі вайны больш не патрэбныя. Гэтыя дакументы раздзяляюць удзельнікаў ваенных дзеянняў і мірнае насельніцтва, рэгламентуюць правілы абыходжання з ваеннапалоннымі, абараняюць помнікі культуры падчас вайны і г.д.
Заява Мядзведзева была зроблена пасля самай масіраванай за апошнія два гады атакі ўкраінскіх беспілотнікаў на Маскву і Падмаскоўе, у ходзе якой пад удар трапіў, у прыватнасці, сталічны НПЗ. На заводзе ніхто не пацярпеў, у вобласці пры пажары ад удару дрона па доме загінула дзіця.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай2
Каментары