Выставу мінскага мастака адцэнзуравалі. Тады ён наеўся віягры і прыйшоў з шыльдай Мінкульта на тым самым месцы ФОТА
3 кастрычніка ў Нацыянальным цэнтры сучасных мастацтваў Беларусі адбылася дзёрзкая акцыя. Мастак Аляксей Кузьміч прыйшоў на адкрыццё выставы цалкам голы, з шыльдай «Міністэрства культуры» на эрэгаваным палавым органе. Як выявілася, гэта быў ягоны пратэст супраць цэнзуры ведамства.
«Мяне запрасілі на выстаўку разам з некалькімі іншымі мастакамі, але некаторыя работы не дазволілі, некаторыя давялося перагарнуць, каб яны не чыталіся так, як ёсць. На маё пытанне аб цэнзуры быў адказ, што выстава курыруецца Міністэрствам культуры, і, маўляў, «галоўнае — каб не было эрэгаваных фаласаў». — расказаў Кузьміч «Нашай Ніве». — Натуральна, гэта метафара, за якой хаваецца логіка дзеянняў дзіўных мужчын і жанчын у пінжаках, якія вырашаюць, што людзям можна глядзець, а што не. Здавалася б, у сучасным мастацтве мусіць быць свабода і дазволенасць, але не, аўтары вымушаны пагаджацца на шматэтапную цэнзуру і стэрылізацыю творчасці.
Перад адкрыццём выставы я выпіў віягру. Тое, што вы бачыце на фота, гэта быў такі мой пратэст-успамін аб тым, што «галоўнае, каб не было эрэгаваных фаласаў». Адзначу, што ніхто сапраўды нічога не ўбачыў — гэтаму перашкодзіла шыльда «Міністэрства культуры», якая схавала ўсе нязручныя моманты ад чужых вачэй гэтак жа, як гэта адбываецца ў мастацтве. Сваю акцыю я назваў «Шчыт, або Міністэрства культуры».
Па словах Кузьміча, цяпер вырашаецца пытанне аб тым, каб зняць ягоныя работы ўвогуле. Магчыма, на мастака складуць пратакол за хуліганства.
Сваю акцыю мастак зняў на відэа:
Чытайце таксама:
Дырэктар цэнтра сучаснага мастацтва пра перформанс з віяграй: Мне шкада гэтага маладога неталенавітага мастака
Цяпер чытаюць
Ціханоўскі прапанаваў радыкальна перагледзець стратэгію для Беларусі27
Каментары