Выкананы смяротны прысуд Сямёну Беражному, які быў асуджаны да смяротнага пакарання Магілёўскім абласным судом 21 ліпеня 2017 года. Пра гэта паведамілі сваякі Беражнога, піша spring96.org.
Нагадаем, па прысудзе Магілёўскага абласнога суда 21 ліпеня Ігар Гершанкоў і яго жонка Таццяна Гершанкова абвінавачваліся ў здзяйсненні забойстваў і падрыхтоўцы да здзяйснення забойстваў, выкраданні чалавека і падрыхтоўцы да выкрадання, а таксама ў махлярстве, разбоі, вымагальніцтве, крадзяжы або знішчэнні дакументаў. Таццяну Гершанкову дадаткова абвінавацілі ў незаконным абароце наркотыкаў або псіхатропаў. Судом было ўстаноўлена, што злачынная група агулам зарабіла на махінацыях з чужым жыллём больш за 2 мільярды недэнамінаваных рублёў.
Удзельнікам злачыннай групоўкі былі вынесеныя наступныя прысуды:
- Ігару Гершанкову — найвышэйшая мера пакарання — расстрэл;
- Сямёну Беражному — найвышэйшая мера пакарання — расстрэл;
- Таццяне Гершанковай — 24 гады турмы з канфіскацыя маёмасці;
- Барысу Калеснікаву — 22 гады і 1 месяц калоніі строгага рэжыму.
Што тычыцца Ігара Гершанкова, то яго маці ўжо месяц не атрымлівала ад яго лістоў. Хутка маці чакае з ім спаткання, але сітуацыя да канца невядомая.
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары