Мітрапаліт Павел: Баптысты як цыганы — агітуюць, пакуль не аббяруць чалавека ВІДЭА
Мітрапаліт Павел адзначыўся чарговымі вогненнымі выказваннем. Рэзанансныя заявы ён зрабіў у эфіры праграмы «Гутаркі з уладыкам Паўлам», якая выйшла 24 лістапада.
Пытанне пра баптыстаў нібыта задаў глядач перадачы. Маўляў, яго суседзі — баптысты. Дык як да іх ставіцца, як да хрысціян ці як да сектантаў?
У адказ Павел распавёў, што ў гады яго жыцця ў Карагандзе вакол «было вельмі шмат сектантаў — і баптыстаў, і евангелістаў».
«Быццам бы ўсё было нармальна, працавалі людзі, вучыліся, але як толькі яны прыходзяць, заводзяць свае размовы — гэта нешта становіцца страшнае, настолькі надакучліва… Галоўнае ў іх жыцці — місія, яны місіянерствуюць, хочуць усіх навярнуць у сваю секту, — сказаў мітрапаліт. —
Іх падрыхтоўка з самага ранняга ўзросту ідзе ў гэтым напрамку. Яны вядуць не пропаведзь, а прапаганду. Дзяўбуць у адно месца пастаянна і проста ні аб чым нельга гаварыць… Асабліва калі яны ўдвух прышлі!.. Ведаеце, як цыганы. Агітуюць, пакуль не аббяруць чалавека».
Павел таксама заклікаў не размаўляць з баптыстамі пра веру.
«Мы не супраць гэтых людзей. Працуеце — і працуйце. Калі вучыцеся ў нейкай навучальнай установе, не звяртайце ніякай увагі, якога яны веравызнання. Але як толькі будзе заведзеная гутарка пра веру, то адразу кажыце: «Стоп! Пра веру размаўляць не будзем, — параіў мітрапаліт Павел. — Прыйшоў папрасіць хлеба, солі — калі ласка. Але пра веру — прабачце, я праваслаўны, з вамі ні пра што не хачу гаварыць. Добрага яны нічога не скажуць, будуць агітаваць перайсці ў сваю секту».
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары