Mitrapalit Pavieł: Baptysty jak cyhany — ahitujuć, pakul nie abbiaruć čałavieka VIDEA
Mitrapalit Pavieł adznačyŭsia čarhovymi vohniennymi vykazvańniem. Rezanansnyja zajavy jon zrabiŭ u efiry prahramy «Hutarki z uładykam Paŭłam», jakaja vyjšła 24 listapada.
Pytańnie pra baptystaŭ nibyta zadaŭ hladač pieradačy. Maŭlaŭ, jaho susiedzi — baptysty. Dyk jak da ich stavicca, jak da chryścijan ci jak da siektantaŭ?
U adkaz Pavieł raspavioŭ, što ŭ hady jaho žyćcia ŭ Karahandzie vakoł «było vielmi šmat siektantaŭ — i baptystaŭ, i jevanhielistaŭ».
«Byccam by ŭsio było narmalna, pracavali ludzi, vučylisia, ale jak tolki jany prychodziać, zavodziać svaje razmovy — heta niešta stanovicca strašnaje, nastolki nadakučliva… Hałoŭnaje ŭ ich žyćci — misija, jany misijanierstvujuć, chočuć usich naviarnuć u svaju siektu, — skazaŭ mitrapalit. —
Ich padrychtoŭka z samaha rańniaha ŭzrostu idzie ŭ hetym napramku. Jany viaduć nie propaviedź, a prapahandu. Dziaŭbuć u adno miesca pastajanna i prosta ni ab čym nielha havaryć… Asabliva kali jany ŭdvuch pryšli!.. Viedajecie, jak cyhany. Ahitujuć, pakul nie abbiaruć čałavieka».
Pavieł taksama zaklikaŭ nie razmaŭlać z baptystami pra vieru.
«My nie suprać hetych ludziej. Pracujecie — i pracujcie. Kali vučyciesia ŭ niejkaj navučalnaj ustanovie, nie źviartajcie nijakaj uvahi, jakoha jany vieravyznańnia. Ale jak tolki budzie zaviedzienaja hutarka pra vieru, to adrazu kažycie: «Stop! Pra vieru razmaŭlać nie budziem, — paraiŭ mitrapalit Pavieł. — Pryjšoŭ paprasić chleba, soli — kali łaska. Ale pra vieru — prabačcie, ja pravasłaŭny, z vami ni pra što nie chaču havaryć. Dobraha jany ničoha nie skažuć, buduć ahitavać pierajści ŭ svaju siektu».
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj51
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary