У выніку выбуху ў Сірыі загінулі шэсць чалавек, якія, як мяркуецца, адносяцца да падраздзяленняў «прыватнай ваеннай кампаніі Вагнера», паведамляе расійская «Новая газета» са спасылкай на крыніцы ў Сірыі.
Выбух адбыўся 4 лістапада ў былым будынку сірыйскай крымінальнай паліцыі, размешчаным на трасе Дамаск — Дэйр-эз-Зор.
Усяго загінула 11 чалавек, у тым ліку, пяцёра байцоў Сірыйскай урадавай арміі.
Паводле крыніцы, на месцы выбуху знаходзіцца адно з падраздзяленняў 5-га корпуса Сірыйскай урадавай арміі, укамплектаванага сірыйскімі добраахвотнікамі і ўзмоцненага расійскімі «вайсковымі дарадцамі».
З фінансаваннем «прыватнай ваеннай кампаніі Вагнера» звязваюць Яўгена Прыгожына, расійскага бізнэсмена, блізкага да Уладзіміра Пуціна.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары