«Працякла труба», «рамонт залы»: у краіне масава адмяняюцца канцэрты Віктара Каліны
Скандальна вядомы шансанье Віктар Каліна на сваім сайце абурыўся тым, што ў Рэчыцы не адбудзецца ягоны канцэрт, запланаваны на пачатак жніўня.
Прычыну Каліна бачыць у «інфармацыйных атаках апазіцыі на мясцовых ідэолагаў» і ягонай «прынцыповай пазіцыі па Данбасе».
Апроч таго, увесь раздзел «афіша» на сайце Каліны закрыты праз адсутнасць пэўнасці, бо могуць не дазволіць — шансанье расказаў, што ў раённых гарадах масава адмяняюцца канцэрты праз розныя адгаворкі кшталту «рамонту залы» ці «працечкі трубаў».
«Людзі, якія адказваюць за ідэалогію і культуру ў абласных гарадах, выдаюць мне гастрольныя пасведчанні, вынікае — гэта гарантыя таго, што маладушныя і непісьменныя іх калегі ў раённых гарадах абавязаныя правесці канцэрт. Што ж гэтак баязліва і падступна дзейнічаюць іх падначаленыя на месцах? Навучыліся хлусіць, выварочвацца, прыкрывацца хлуснёй!!! Часцей за ўсё чыннік — «рамонт залы». Мы ў гэта верылі! Пакуль мае прыхільнікі не пачалі дасылаць фота залы, афіш іншых артыстаў… Наступная «адчэпка» — гэта «ў нас усё распісана». Мяне такі адказ ужо не забаўляе. Спачатку павяліся на хлусню, спыталі пра наступны год. Адказ — званіце ў снежні. Звонім — «у нас усё ўжо распісана на год». Рэальная карціна такая — праходзяць адзінкавыя канцэрты. Калі ўсімі праўдамі і няпраўдамі прадалі 50—70 квіткоў — гэта ўжо дасягненне», — раскрывае свае карты Каліна, далей па тэксце усяляк абражаючы дырэктараў ДК і чыноўнікаў.
«Мяне катэгарычна не дапускаюць да тэлевізійных экранаў, і яшчэ больш катэгарычна адмаўляюць у эфіры на радыё. І нават песні, кшталту абсалютна нефарматнага «Рокс». Паўтараю — мае песні, згодна з указам прэзідэнта, абавязаныя ставіць у эфір», — трызніць Каліна, яшчэ і называючы сябе «самым паспяховым і папулярным артыстам Беларусі».
Таксама ён сцвярджае, што ў асобных гарадах старшыні выканкамаў даюць загады прадпрыемстваў не купляць квіткі на канцэрты Каліны.
Маўляў, калі так будзе працягвацца — то ён будзе звяртацца да Лукашэнкі.
Пакуль у «Нашай Нівы» не ўдалося атрымаць каментары ідэолагаў, на якіх нападае Каліна.
Але варта адзначыць — забароны канцэртаў Каліны даўно дамагаліся неабыякавыя людзі.
Віктар Каліна пазіцыянуе сябе як шансанье, але творы яго рознабаковыя і ўзаемавыключныя — за песняй пра блатную рамантыку на канцэрце можа ісці песня пра афіцэрскі гонар.
Каліна ўсяляк нахвальвае сепаратыстаў Данбаса, сам туды ездзіў і са зброяй у руках зычыў «смерці бандэрлогам», прызнаваўся ў здзяйсненні крымінальных злачынстваў.
Неаднаразова публічна і матам выказваўся пра беларусаў, якія не ўхваляюць яго творчасць.
Віктар Каліна: Я размаўляў з афіцэрам «ДНР», які дапытваў беларускага ваеннапалоннага
Беларускі шансанье і ардэнаносец «ДНР» Віктар Каліна выступаў у Брэсце нападпітку? ВІДЭА
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1
Каментары