Аляксандр Мілінкевіч пракаментаваў вынікі выбараў старшыні Руху «За Свабоду»
Ужо экс-старшыня Руху выказаўся пра выбары свайго пераемніка.
Аляксандр Мілінкевіч. Фота Мікіты Недаверкава
«Я задаволены, што выбары прайшлі справядліва і адкрыта. І аспрэчваць няма чаго. Самае галоўнае, каб Рух узмацніўся, а не стаў слабейшы. Напружанасць паміж людзьмі пэўная была і былі некаторыя выказванні ў сеціве… Хтосьці потым выбачаўся, хтосьці — не, але ж у ЗША, напрыклад, на дэбатах і не такія слоўцы ідуць! Я не лічу, што менавіта ў гэтым амерыканцы нам прыклад, хочацца, каб усё было з павагай. Я ужо казаў, і скажу яшчэ: дэмакратыя — цяжкі іспыт, — пракаментаваў «Нашай Ніве» Мілінкевіч. — Але Рух — гэта добрая каманда, якая даўно працуе разам. І калі нашы лідары знойдуць паразуменне і будуць разам працаваць, то праз пэўны час пабачым, здалі мы сёння іспыт ці не».
Юрась Губарэвіч узначаліў Рух «За Свабоду»
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады4
Каментары