На акрузе Алены Анісім знялася з выбараў асноўная ўладная кандыдатка
На сайце Цэнтрвыбаркама з'явіўся спіс кандыдатаў у палату прадстаўнікоў па Мінскай вобласці.
«Наша Ніва» прааналізавала дакумент і параўнала яго з тым прагнозам, што мы рабілі ў самым пачатку выбараў.
У Міншчыне ў ім давядзецца зрабіць толькі адну змену. У Стаўбцоўскай акрузе №70 не атрымала рэгістрацыю дырэктарка Нясвіжскага каледжа Алена Жураўлёва. Яна цалкам адпавядала статусу кандыдата ад «вертыкалі» — збірала подпісы выбарцаў, атрымала падтрымку працоўнага калектыва.
Аднак, як аказалася, на паседжанні камісіі Жураўлёва нечакана ўзяла самаадвод, спаслаўшыся на праблемы са здароўем.
Хто застаўся на Стаўбцоўскай акрузе ў яе адсутнасць?
Два кандыдаты ад палітычных партый — 22-гадовая прадстаўніца ЛДПБ Мілена Келер («НН» пісала пра яе) і выхавацелька Гарадзейскага інтэрната Марына Шаўчук, якая ідзе ад камуністаў. Апроч іх, ёсць юрыдычны кансультант Аляксандр Зелянкоўскі (ён самавылучэнец).
Але самым вядомым іменем у бюлетэнях будзе намесніца старшыні Таварыства беларускай мовы Алена Анісім. З 1991 года працуе ў Інстытуце мовазнаўства Нацыянальнай акадэміі навук (ад 2015 года называецца Інстытут мовазнаўства імя Якуба Коласа). Летась палітык выяўляла прэзідэнцкія амбіцыі.
Перашкодзіць Анісім можа дырэктарка Навасёлкаўскай спалучанай школы і садка Наталля Маслоўская. Але супраць яе гавораць невысокі статус навучальнай установы — ніводнага прадстаўніка вясковых школаў у палаце прадстаўнікоў няма, а таксама тое, што Маслоўская не збірала подпісаў выбарцаў. Яе вылучыў толькі працоўны калектыў.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай15
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары