Na akruzie Aleny Anisim źniałasia z vybaraŭ asnoŭnaja ŭładnaja kandydatka
Na sajcie Centrvybarkama źjaviŭsia śpis kandydataŭ u pałatu pradstaŭnikoŭ pa Minskaj vobłaści.
«Naša Niva» praanalizavała dakumient i paraŭnała jaho z tym prahnozam, što my rabili ŭ samym pačatku vybaraŭ.
U Minščynie ŭ im daviadziecca zrabić tolki adnu źmienu. U Staŭbcoŭskaj akruzie №70 nie atrymała rehistracyju dyrektarka Niaśvižskaha kaledža Alena Žuraŭlova. Jana całkam adpaviadała statusu kandydata ad «viertykali» — źbirała podpisy vybarcaŭ, atrymała padtrymku pracoŭnaha kalektyva.
Adnak, jak akazałasia, na pasiedžańni kamisii Žuraŭlova niečakana ŭziała samaadvod, spasłaŭšysia na prablemy sa zdaroŭjem.
Chto zastaŭsia na Staŭbcoŭskaj akruzie ŭ jaje adsutnaść?
Dva kandydaty ad palityčnych partyj — 22-hadovaja pradstaŭnica ŁDPB Milena Kieler («NN» pisała pra jaje) i vychavacielka Haradziejskaha internata Maryna Šaŭčuk, jakaja idzie ad kamunistaŭ. Aproč ich, jość jurydyčny kansultant Alaksandr Zielankoŭski (jon samavyłučeniec).
Ale samym viadomym imieniem u biuleteniach budzie namieśnica staršyni Tavarystva biełaruskaj movy Alena Anisim. Z 1991 hoda pracuje ŭ Instytucie movaznaŭstva Nacyjanalnaj akademii navuk (ad 2015 hoda nazyvajecca Instytut movaznaŭstva imia Jakuba Kołasa). Letaś palityk vyjaŭlała prezidenckija ambicyi.
Pieraškodzić Anisim moža dyrektarka Navasiołkaŭskaj spałučanaj škoły i sadka Natalla Masłoŭskaja. Ale suprać jaje havorać nievysoki status navučalnaj ustanovy — nivodnaha pradstaŭnika viaskovych škołaŭ u pałacie pradstaŭnikoŭ niama, a taksama toje, što Masłoŭskaja nie źbirała podpisaŭ vybarcaŭ. Jaje vyłučyŭ tolki pracoŭny kalektyŭ.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary