Паўднёвая частка лагера павінна быць вызвалена да вечара 23 лютага, вырашылі ў прэфектуры дэпартамента Па-дэ-Кале.
Усе ўцекачы, якія застануцца ў лагеры пасля гэтага тэрміну, будуць выселеныя, паведамілі ўлады. Затым паўднёвую частку, якая складае каля паловы ўсяго намётавага лагера, знясуць.
Паводле ацэнак уладаў, прадпісанне вымусіць змяніць месца жыхарства 800-1000 чалавек. Ім прапануюць перасяліцца ў спецыяльна абсталяваныя жылыя модулі. На іх аснашчэнне ўлады выдаткавалі каля 25 млн еўра.
Колькасць мігрантаў у лагеры ў Кале, вядомым як «джунглі», за апошнія два гады вырасла ў некалькі разоў. Лагер ператварыўся ў міні-горад. Тут ёсць крамы, рэстаран, рэлігійныя ўстановы і нават тэатр.
У студзені паведамлялася, што ўлады знеслі мячэць і школу для мігрантаў.
Каментары