Спецыялісты ў Маямі-Біч пачалі знос асабняка, які калісьці належаў знакамітаму калумбійскаму наркабарону Пабла Эскабара, паведамляе NBC News.
«Я вельмі рады бачыць, як дом д'ябла знікае на вачах. Гэта быў найвялікшы злачынец у сусветнай гісторыі. Я хацеў бы быць звязаны з чымсьці больш натхняльным, хоць гэта і частка горада», — адзначыў цяперашні ўладальнік нерухомасці, Крысціян дэ Бердуа.
Яны з жонкай купілі дом у мінулым годзе за $ 9,65 млн у прыватнай асобы і не ведалі аб адным з папярэдніх уладальнікаў. Па словах Бердуа, калі жонка даведалася пра цёмнае мінулае будынка, ім давялося запрасіць святара.
Перад тым, як знесці будынак, муж і жонка нанялі прафесійных шукальнікаў скарбаў і здымачную групу для стварэння дакументальнага фільма. Удалося знайсці толькі сейф пад мармуровай лесвіцай, які хтосьці раней ужо абакраў. Таксама да гэтага часу не высветлена, ці наведваў усё ж наркабарон гэты дом асабіста.
Супрацоўнікі праваахоўных органаў папярэджвалі сям'ю, што звязаныя з Эскабар людзі маглі зноў наведаць асабняк у пошуках схованак часоў росквіту імперыі Эскабара. У 1980-х і 1990-х яго картэль кантраляваў большую частку паставак какаіну на тэрыторыю ЗША. У 1993 годзе сам наркабарон быў забіты ў ходзе затрымання спецслужбамі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары