Śpiecyjalisty ŭ Majami-Bič pačali znos asabniaka, jaki kaliści naležaŭ znakamitamu kałumbijskamu narkabaronu Pabła Eskabara, paviedamlaje NBC News.
«Ja vielmi rady bačyć, jak dom djabła źnikaje na vačach. Heta byŭ najvialikšy złačyniec u suśvietnaj historyi. Ja chacieŭ by być źviazany z čymści bolš natchnialnym, choć heta i častka horada», — adznačyŭ ciapierašni ŭładalnik nieruchomaści, Kryścijan de Bierdua.
Jany z žonkaj kupili dom u minułym hodzie za $ 9,65 młn u pryvatnaj asoby i nie viedali ab adnym z papiarednich uładalnikaŭ. Pa słovach Bierdua, kali žonka daviedałasia pra ciomnaje minułaje budynka, im daviałosia zaprasić śviatara.
Pierad tym, jak źnieści budynak, muž i žonka naniali prafiesijnych šukalnikaŭ skarbaŭ i zdymačnuju hrupu dla stvareńnia dakumientalnaha filma. Udałosia znajści tolki siejf pad marmurovaj leśvicaj, jaki chtości raniej užo abakraŭ. Taksama da hetaha času nie vyśvietlena, ci naviedvaŭ usio ž narkabaron hety dom asabista.
Supracoŭniki pravaachoŭnych orhanaŭ papiaredžvali siamju, što źviazanyja z Eskabar ludzi mahli znoŭ naviedać asabniak u pošukach schovanak časoŭ roskvitu impieryi Eskabara. U 1980-ch i 1990-ch jaho kartel kantralavaŭ bolšuju častku pastavak kakainu na terytoryju ZŠA. U 1993 hodzie sam narkabaron byŭ zabity ŭ chodzie zatrymańnia śpiecsłužbami.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary