Мода на хіпстарства згасае.
Субкультура, якую заснавалі маладыя лідары крэатыўнага класа, ператварылася ў карыкатуру.
Брытанскі слоўнік вызначае хіпстараў як «субкультуру мужчын і жанчын, як правіла, ва ўзросце ад 20 да 30 гадоў, якія цэняць незалежнае мысленне, контркультуру, прагрэсіўную палітыку».
У 2014 годзе, магчыма, была дасягнутая «вяршыня барадатасці». Падобна, што і вузкія джынсы хіпстараў хутка перастануць быць актуальнымі.
Так было з усімі субкультурамі, пачынаючы ад хіпі. Спачатку яны вядуць за сабой, набываюць папулярнасць, але ўрэшце камерцыялізуюцца і становяцца пародыяй на саміх сябе.
Слова «hipster» было вынайдзена ў 1940-я гады. Так называлі тых, хто адхіліўся ад агульнапрынятых нормаў — напрыклад, белых з сярэдняга класа, якія слухалі джаз. Потым былі бітнікі, хіпі.
Сітуацыю з модай бліжэйшай будучыні можа таксама прасвятліць феномен «normcore». Гэты тэрмін быў уведзены трэндавым агенцтвам з Нью-Ёрка K-Кэрліс ў сваёй справаздачы Youth Mode за восень мінулага года. Гэтая мода прапаведуе супернармальны стыль, яна стала рэакцыяй акурат на хіпстарства, піша брытанская газета «Гардыян».
-
У Віндзарскім замку Меланія Трамп была абсалютна непранікальнай. А пасля пераапранулася — і стварыла процілеглае ўражанне ФОТЫ
-
Не насіце гэтых гадзіннікаў з касцюмам! Правілы выбару мужчынскіх гадзіннікаў
-
Жонка і падчарка Аляксандра Глеба запусцілі ўласны брэнд жаночага адзення. Будуць канкураваць са сваячкай
Каментары