Аляксандр Лукашэнка падчас прыезду ў Жыровічы, дзе знаходзіцца адзін з буйнейшых праваслаўных цэнтраў — Свята-Успенскі Жыровіцкі манастыр, звярнуў увагу адказных асоб на недахопы ў пытаннях добраўпарадкавання і навядзення парадку, што даручалася раней, піша БелТА.
«Некаторыя элементы, што атачаюць гэту абіцель, сведчаць пра тое, што тут нешта рабілі на хуткую руку зусім нядаўна. Не ўсё зроблена. Запомніце: гэта — жамчужына праваслаўя. Мы для праваслаўных павінны тут зрабіць ідэальнае месца», — сказаў ён.
Ён заявіў, што ўвесну будзе «выніковы іспыт».
Таксама Лукашэнка выказаўся пра беларускія так званыя «рэлігійныя цэнтры», заявіўшы, што «трэба патроху дапамагаць усім, каб захаваць мір і спакой у Беларусі».
Паводле яго слоў, трэба зыходзіць з чарговасці, з таго, што сапраўды неабходна зрабіць, бо дзяржава нясе яшчэ і сацыяльныя функцыі, уключаючы будаўніцтва жылля і іншыя напрамкі.
Цяпер чытаюць
Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні2
Каментары
Ведь люди - нефть для Гундяева и московской церкви, что совпадает, на 100 %, с оценкой людей властью лукашенко.
Отсюда и такая забота.