«Простаму беларусу гэта няважна». Боты праводзяць чатыры розныя ўстаноўкі адносна закрыцця мяжы
У адказ на гібрыдныя атакі Польшча цалкам закрыла мяжу з Беларуссю, абгрунтаваўшы гэта меркаваннямі бяспекі. Пры гэтым Варшава спадзяецца, што Кітай зможа націснуць на Лукашэнку, каб той спыніў нападкі на сваіх суседзяў. На заходняй мяжы апусцілася жалезная заслона. Боты ў каментарах тыктока і ютуба атрымалі ўласныя заданні з інтэрпрэтацыямі.
Першы наратыў, які прасоўваюць боты, палягае на тым, што закрыццё мяжы нібыта не закране звычайных людзей.
Каментатары настойваюць, што для іх асабіста як для «простых беларусаў» нічога не зменіцца.
Адзін з іх піша: «Я просты беларус, і асабіста мне гэтае закрыццё мяжы да аднаго месца». Другія задаюцца рытарычнымі пытаннямі:
«Я простая беларуска, чаму для мяне гэта катастрофа?», «І ў чым катастрофа для простых беларусаў?»
Іншыя пішуць: «Для мяне ніякай катастрофы», «Простым беларусам на гэта начхаць». «Увогуле па барабане. Беларусі па…», «Простыя беларусы клалі болт на закрыццё мяжы».
«А прычым тут Беларусь? Гэта Польшча вінаватая»
Другі распаўсюджаны тэзіс — перакладанне адказнасці на польскі бок. Боты сцвярджаюць, што Беларусь не мае дачынення да закрыцця мяжы, бо яна, наадварот, увяла бязвізавы рэжым для суседзяў з Еўрасаюза.
«А што, Лукашэнка закрыў межы? (…) Пры чым Лукашэнка да межаў?», «Як быццам бы Беларусь закрыла».
Часта ў якасці аргумента прыводзіцца бязвізавы рэжым:
«Нагадаю, у нас з Еўропай бязвіз з боку Беларусі. Пры чым тут Лукашэнка?», «Якраз Беларусь і не закрывала межы, краіна адкрытая, без віз. Захад баіцца чамусьці Беларусі».
Вінаватай ва ўсім выстаўляецца выключна Польшча:
«Дык Польшча закрыла. А пры чым тут Лукашэнка?», «Пры чым тут Беларусь? Гэта Польшча закрыла межы», «Польшча закрыла, а Беларусь вінаватая», «Пры чым тут Беларусь, калі ў палякаў дах паехаў?»
Праблема для Польшчы і Кітая
Яшчэ адзін наратыў скіраваны на тое, каб давесці, што ад закрыцця мяжы пацерпіць хто хочаце, але не Беларусь. Галоўнымі пацярпелымі называюцца Польшча і нават Кітай:
«Для Кітая праблема, для Польшчы таксама праблема. Перакрылі танныя прадукты. Але чамусьці для Беларусі — катастрофа».
«Катастрофа для Еўропы. А Беларусь болт клала. Абкрадаюць самі сябе».
Не забываюцца боты згадаць і Святлану Ціханоўскую, сцвярджаючы, што «катастрофа» наступіла толькі для яе і яе прыхільнікаў: «Якая катастрофа? Для Светкі і яе памагатых. Для іх, можа, і катастрофа. Пытанні да палякаў. Гэта ім прыснілася, што на іх нехта нападае».
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары