Міністэрства антыманапольнага рэгулявання і гандлю вынесла на грамадскае абмеркаванне праект указа «Аб удасканаленні рэгулявання спажывецкага рынку». Згодна з ім прапануюць увесці больш строгія правілы для інтэрнэт-гандлю, піша Office Life.
Асноўныя змены тычацца інтэрнэт-пляцовак: іх уладальнікі павінны будуць уключаць свае даныя ў Гандлёвы рэестр. Замежныя інтэрнэт-пляцоўкі змогуць працаваць у краіне толькі пасля стварэння юрыдычнай асобы ў Беларусі і таксама з уключэннем у рэестр. Уладальнікі будуць несці адказнасць перад пакупнікамі, у тым ліку за тавары неналежнай якасці.
Па статыстыцы, з 2020 па 2025 год колькасць інтэрнэт-крам вырасла ў 2,6 разу і на пачатак гэтага года склала амаль 31 тысячу. Гэта павялічвае нагрузку на традыцыйны гандаль і стварае канкурэнцыю айчынным вытворцам.
Праект прадугледжвае таксама:
- магчымасць МАРГ абмяжоўваць доступ да інтэрнэт-пляцовак пры парушэннях;
- абавязак юрасоб і ІП узгадняць з дзяржорганамі пералік тавараў і падтрымліваць іх наяўнасць у продажы;
- зняцце забароны на рэкламу алкаголю і вадкасцяў для вэйпаў на сайтах duty free;
- новыя правілы фарміравання цэн на экспартныя і рэімпартныя тавары;
- патрабаванне падаваць дакументы, якія абгрунтоўваюць разлік рознічных цэн, на тавары, што падпадаюць пад рэгуляванне.
Указ будзе тычыцца ўладальнікаў інтэрнэт-пляцовак, інтэрнэт-гандляроў і вытворцаў тавараў. Абмеркаванне яго ідзе з 19 да 29 верасня на Прававым форуме Беларусі.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары