У Расіі забараняюць амерыканскі віскі — Расспажыўнагляд знайшоў парушэнні
Расейская федэральная служба па наглядзе ў сферы абароны правоў спажыўцоў і дабрабыту чалавека (Расспажыўнагляд) выявіла парушэнні пры абарачэнні на тэрыторыі Расіі амерыканскага віскі тыпу бурбон. Пра гэта паведамілі сёння ў прэс-службе ведамства.
У прыватнасці, Расспажыўнагляд паказвае на бурбон «Кентукі джэнтльмен», выраблены амерыканскай кампаніяй «Бартан 1972 Дыстылеры». Па звестках Расспажыўнагляду, дадзены напой не праходзіў дзяржаўную рэгістрацыю на адпаведнасць патрабаванням тэхнічных рэгламентаў Мытнага саюза, хоць на яго этыкетцы размешчаны адзіны знак звароту прадукцыі на рынку дзяржаў — членаў МС — «ЕАС».
«Таксама ў паказаным спіртным напоі выяўлены фталаты, якія здольныя выклікаць функцыянальныя, а ў далейшым і арганічныя змены ў цэнтральнай і перыферыйнай нервовай сістэме, эндакрыннай сістэме, а таксама анкалагічныя захворванні і праблемы з бясплоддзем у мужчын і жанчын», — дадалі ў Расспажыўнаглядзе. Па факце выяўленых парушэнняў ведамства праводзіць кантрольна-наглядныя мерапрыемствы.
Каментары