Апошні нумар польскага кансерватыўнага тыднёвіка «Do Rzeczy» быў прысвечаны сям’і былога прэзідэнта Польшчы Аляксандра Кваснеўскага. У адным з артыкулаў аўтар раскрыў малавядомыя факты пра бацькоў экс-прэзідэнта.
Выяўляецца, што маці Квасьнеўскага Аляксандра Балаш нарадзілася на Віленшчыне ў праваслаўнай сям’і, а бацька Здзіслаў, таксама віленчук, у часы нямецкай акупацыі працаваў дырэктарам беларускай школы пад Вільняй.
Пасьля ІІ Сусветнай вайны сям’я Балашаў пераехала ў Дайліды пад Беластокам, а Аляксандра выйшла замуж за Здзіслава Кваснеўскага, які пасля вайны працаваў хірургам. Будучы прэзідэнт нарадзіўся ў 1954 у Бялагардзе ў Заходнепаморскім ваяводcтве.
Дарэчы, Аляксандр Квасьнеўскі выдатна разумее беларускую мову і не патрабуе перакладчыкаў у камунікацыі з беларусамі.
Беларускія журналісты неаднойчы бралі інтэрв’ю ў экс-прэзідэнта па-беларуску. 5 гадоў даму Кваснеўскі выступіў ініцыятарам няўрадавай ініцыятывы Belarus Task Force. Вакол гэтай арганізацыі аб’ядналіся сусветна вядомыя палітыкі і грамадскія дзеячы з мэтаю лабізму дыялогу паміж Беларуссю і ЕС. Аднак сваёй мэты арганізацыя так і не выканала.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары