Уступленне ў Балонскі працэс для Беларусі [агульная еўрапейская ўніверсітэцкая сістэма — НН] — не самамэта, заявіў сёння ў палаце прадстаўнікоў міністр адукацыі Сяргей Маскевіч, адказваючы на пытанні дэпутатаў.
«Балонскі працэс — гэта не самамэта. Гэта новыя магчымасці, якія адкрываюцца для ўзаемадзеяння на ўзроўні ўдзелу ў агульнаеўрапейскіх праграмах, праграмах мабільнасці перш за ўсё. Але для нас нацыянальны інтарэс вышэй за агульнаеўрапейскі», — сказаў міністр.
Сяргей Маскевіч адзначыў: «Будзе з другога боку жаданне фармалізаваць ўступленне Беларусі ў Балонскі працэс — мы гатовыя». Разам з тым ён звярнуў увагу, што ўдзел у праграмах мабільнасці мае не толькі станоўчыя, але і адмоўныя бакі, напрыклад, «вымыванне мазгоў».
Каментары