Nonkanfarmizm u Biełarusi. 1953—1985. Daviednik. T.1. — Miensk, 2004. Aŭtar-układalnik Aleh Dziarnovič.
Bijahrafii biełaruskich «antysavietčykaŭ» — jašče adzin štrych da historyi Biełarusi. Śviadomyja niezaležniki, kulturniki, demakraty, liberały, zeki, praŭdalubcy, jaŭrei i baptysty — kaho tut tolki niama. Pobač ź viadomymi proźviščami Ł.Hienijuš, Z.Paźniaka, M.Čarniaŭskaha, E.Sabiły, V.Bykava my sustrakajem dziasiatki małaviadomych ludziej, kožny ź jakich sam sabie vybiraŭ šlach zmahańnia.
Naprykład, braty Lavon i Michaś Biełyja, plamieńniki Jakuba Kołasa, jakija ŭ 1957 h. u Miensku rasklejvali ŭlotki suprać rusifikacyi Biełarusi. Ci hrupa H.Burštyna, P.Dvoraka i Ja.Lešuka, jakaja ŭ 1953 h. ŭ Małaryckim rajonie raspaŭsiudziła antysavieckuju ŭlotku. Ci hrupa A.Hryhorjeva i V.Rakaševiča, što ŭ kancy 1950-ch hadoŭ stvaryli padpolnuju Biełaruskuju revalucyjnuju partyju dziela ŭzbrojenaha zmahańnia z savieckaj uładaj. Ci hrupa S.Chanžankova, H.Siarohina, V.Chrapavickaha, jakaja ŭ 1963 h. źbirałasia ŭzarvać vyšku z radyjohłušycielem u centry Miensku. Jakija pavučalnyja prykłady dla padručnikaŭ historyi padsavieckaj Biełarusi!
Paśla niadaŭnaj vybarčaj kampanii asablivuju ŭvahu pryciahvajuć vypadki pratestu suprać falsyfikacyj na tak zvanych vybarach, kali za pradstaŭnikoŭ bloku kamunistaŭ i biespartyjnych hałasavała nia mieniej 99,8%.
Poŭny varyjant artukułu čytajcie ŭ hazecie "Naša Niva"
Aleś Bialacki
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary