“Apošni śviedka” i cudy paśla premjery
Uviečary druhoha dnia na feście pakazali film pra Katyń. Treci dzień festyvalu – śviedčyć pra cudy.
Uviečary 21 červienia na kinafeście “Magnificat-2007” pakazali polski film “Apošni śviedka” pra adzinaha čałavieka, jaki zastaŭsia ŭ žyvych paśla Katynskaj trahiedyi. Prafesar Vilenskaha universytetu Stanisłaŭ Śvianievič, paźbiehnuŭ śmierci i ličyŭ svaim chryścijanskim abaviazkam zachavać usiu praŭdu pra minułaje.
Ranica 22 červienia raspačałasia z pres-kanferencyi pa prahramie papiarednich dzion. Stvaralniki filmaŭ adkazali na pytańni hledačoŭ i presy. Vyśvietliłasia, što stužki, pradstaŭlenyja na festyvali – mieli praciah u realnym žyćci.
Režysior Uładzimir Kazłoŭ raspavioŭ, što paśla premjery karciny “Ruskaja siastryčka z abactva Silvanes” na carkvu, pabudavanuju daminikanskimi manachami, znajšlisia hrošy, kab zachavać ad čužoha klimatu.
Hieroja “Kryštalovaha chłopčyka” – maleńkaha Sašu ź nievylečnaju ciažkoj chvarobaj, usynavili. “I heta sapraŭdny cud, – kaža režyser Alaksandr Ciapaŭ. – Baćki, u jakich užo jość dvoje dzietak, vielmi lubiać svajho novaha syna, a Saša lubić ich.”
A ŭ viosku Błahavieščańnie, dzie žyvie ślapaja manachinia Hanna, hierainia stužki “Pamiž niebam i ziamloj”, adzinaja prychadžanka chrama, – pačali viartacca ludzi.
Festyval “Magnificat” prajahvajecca ŭ miastečku Ivieś, dzie, pa źviestkach biełaruskich kartohrafaŭ, znachodzicca centar Eŭropy.
Była pakazanaja polskaja stužka “Horad na race Čornaha Cmoka” pra misijanieraŭ-verbistaŭ u Błahavieščansku. Italjanskaja karcina “U Sirakuzach, dzie Maryja płakała” – unikalnaje raśśledavańnie cudu, zafiksavanaha kinakamerami. Film “Adkryty horad” pra pryjezd Bienedykta XVI u Polšču źniataja 411 apieratarami – śviedkami i ŭdzielnikami padziej.
Paśla abiedu budzie zakładzienaja Aleja fiestyvalu z 14 kaštanaŭ pa kolkaści krainaŭ, pradstaŭlenych na feście.
Zaplanavanaja premjera kanadzkaje stužki “Šlach Makluena” pra chryścijanskija karani śvietapohladu słynnaha medyjnaha filozafa.
Ciapier čytajuć
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara3
Kamientary