Chiba
Pamyłka, navat drobnaja, časta vyklikaje vialikuju błytaninu – asabliva kali viadziecca pra istotnyja rečy. Niezdarma słova “hrech” adpačatkova paznačała pamyłku, chibu, jakaja viadzie čałavieka da zhuby.
U liście Natalli Bazylevič, dzie raspaviadałasia pra “pieramienaŭskaje” śviatkavańnie Dnia śv.Valancina, ja zaŭvažyŭ adnu pamyłku, jakaja stałasia kropkaj adliku ŭ razvažańniach aŭtarki. Nasamreč, sardečki ź biblijnymi cytatami, što razdavalisia ŭdzielnikam šeścia, abmieńvalisia na AŬDYJOKASETU “More kachańnia” – BIEZ anijakich dadatkaŭ. Heta DNIOM RANIEJ, 13 lutaha, u klubie “Akvaryjum” Biełaruskaja Muzyčnaja Alternatyva razyhryvała takija kasety ŭ kamplekcie z “humkami”. Pisać abviaržeńnie tady ja nie paličyŭ patrebnym — byŭ upeŭnieny, što bolšaść čytačoŭ “NN” albo na svaje vočy bačyła śviata, albo viedała pra ŭsie akaličnaści z medyjaŭ.
Vyjaviłasia – darma. U nastupnym numary źjaviŭsia vodhuk Sieržuka Piatroviča z Barysava. Iznoŭ — razvažańni z pamyłkovym pasyłam.
Lubyja maje braty j siostry! Kali łaska, pilnujciesia praŭdy. Nieśviadomyja chiby j “zdahadki” časam bolš niebiaśpiečnyja za jaŭnyja pamyłki. Chto choča daviedacca, što Małady Front robić uva Chryście — prychodźcie na sustrečy, pačujecie SAMI. Čytajcie vypuski maładafrontaŭskaha “Vieśnika”, artykuły j prahramy — i pabačycie SAMI. U pačatku krasavika (sačycie za abviestkami) u nas čarhovaja kanferencyja “Chryścijanskaj inicyjatyvy”. Zavitvajcie. I — krychu ciarpieńnia — kab časam pierapytać, patelefanavać, udakładnić. “Ciarplivaść ža maje daskanałaje dziejańnie, kab vam być daskanałymi va ŭsioj paŭnacie, biez anijakaje pachiby” (Jakuba, 1:4).
Ź luboŭju, Pavał Sieviaryniec
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary