«Viečnaje źziańnie čystaha rozumu», «Blizka da serca», «Pieršy ŭdar»
Dźvie meladramy j adzin bajavik - pra padryŭnuju dziejnaść Džeki Čana va Ŭkrainie.
TV, 6 traŭnia, niadziela
STV, 20.45
Viečnaje źziańnie čystaha rozumu (Eternal Sunshine of the Spotless Mind)
ZŠA, 2004, kalarovy, 108 chv.
Režyser: Mišel Handry
Roli vykonvajuć: Džym Kery, Kiejt Ŭinślet, Džery Robert Birn, Ełajdža Vud, Tomas Džejn Rajan, Mark Rufała, Kirsten Danst
Žanr: Meladrama z elementami fantastyki
Adznaka: 7 (z 10)
Impulsiŭnaja Klemientyna (Kiejt Ŭinślet) vykidaje z pamiaci svajho kachanka Džoeła. Cichmiany j saramlivy Džoeł (Džym Kery) taksama vyrašaje vydalić z pamiaci ŭsialakija ŭspaminy pra byłyja pačućci, tym bolej, što fantastyčnyja technalohii heta dazvalajuć. Ale, kali navukoŭcy ŭžo raspačali praceduru, Džoeł adčuvaje, što kachańnie da Klemientyny – samaje važnaje ŭ jahonym žyćci. Raspačynajecca sentymentalna-vidoviščnaja baraćba lubovi j amnezii…
Karcina Mišela Handry – pra paradoksy kachańnia j zabyćcia. Džym Kery – niečakana surjozny, Kiejt Ŭinślet – ekstravahantna rasfarbavanaja. Režyser, zasiarodziŭšysia na eksperymentach z kamerami, daŭ aktoram poŭnuju svabodu – kab tyja maksymalna raskrylisia.
Nazva stužki pazyčana z paemy Alaksandra Popa «Listy Ełaizy da Abelaru» 1714 hodu. Hetuju ž paemu scenaryst Čarlz Kaŭfman skarystaŭ dla filmu «Być Džonam Małkavičam».
Tytry stužki raspačynajucca a 18 chvilinie – heta taksama aŭtarski pryjom.
Ład, 20.55
Blizka da serca (Up Close & Personal)
ZŠA, 1996, kalarovy, 124 chv.
Režyser: Džon Eŭniet
Roli vykonvajuć: Robert Redfard, Mišel Pfajfer, Stokard Čaninh, Džo Manteńja, Kiejt Nielihan, Hlen Płamer
Žanr: Meladrama
Metr žurnalistyki Ŭoren (Robert Redfard) sympatyzuje Seli (Mišel Pfajfer) i vučyć jaje majsterstvu televiadoŭcy. Ale kiemlivaja Seli nastolki ŭsio ciamić, što chutka pieraŭzychodzić Ŭorena – i tamu varta paćviardžać svaju čałaviečuju j prafesijnuju hodnaść… Pa-nad baraćboju «kankurentaŭ» – luboŭ.
NTV, 23.20
Pieršy ŭdar (Jing cha gu shi IV: Jian dan ren wu)
ZŠA – Hankonh, 1996, kalarovy, 108 chv.
Režyser: Stenli Tonh
Roli vykonvajuć: Džeki Čan, Džeksan Lu, Eni Vu, Bił Tanh, Jury Piatroŭ, Nona Hryšajeva, Tery Vu
Žanr: Uschodni bajavik
Palicejski z Hankonhu, naniaty vyviedkami ZŠA i Rasiei, raspačynaje pošuki padpolnych handlaroŭ uranam. Hałoŭny atrakcyjon karciny – Džeki Čan. Śledztva z uschodnimi hałavakrutnymi bojkami viadziecca… va Ŭkrainie.
Kamientary