Siennaja lichamanka -– faktar, jaki padvyšaje ryzyku raźvićcia chvarobaŭ serca, miarkujuć navukoŭcy z ZŠA.
Zhodna z vynikami novaha daśledavańnia, niekatoryja formy alerhii varta razhladać jak faktary ryzyki raźvićcia sardečnych zachvorvańniaŭ. Navukoŭcy praanalizavali źviestki pra bolš za 8 600 čałaviek va ŭzroście 20 hadoŭ i starejšych. 18% apytanych skardzilisia na śviściačaje dychańnie i 46% pakutavali ad simptomaŭ alerhičnaha rynitu i kanjuktyvitu. U vyniku akazałasia, što raspaŭsiudžanyja alerhii i chvaroby serca časta iduć ruka ab ruku.
Navukoŭcy supastavili źviestki pra alerhii i chvaroby serca, i akazałasia, što prablemy z sercam byli ŭ 13% tych, chto ciarpieŭ ad śviściačaha dychańnia i ŭ 5% ludziej z rynitam i kanjuktyvitam, a taksama ŭ 4% tych, chto nie ciarpieli ad alerhijaŭ.Kali byli ŭličanyja inšyja faktary, takija jak astma, navukoŭcy zrabili vysnovu, što ryzyka raźvićcia chvarobaŭ serca pavyšajecca ŭ 2,6 razu, kali ŭ čałavieka nazirajecca śviściačaje dychańnie, i na 40% — u vypadku simptomaŭ rynitu i kanjuktyvitu. Asabliva vyrazna prasočvałasia hetaja ŭzajemasuviaź u ludziej paśla 50 hadoŭ.
Daśledniki ličać, što zapaleńnie, jakoje spadarožničaje alerhijam, robić ścienki sasudaŭ mienš ełastyčnymi, pryvodziačy da prablem z sercam.Taksama, u niekatorych ludziej mohuć być hieny, źviazanyja jak z alerhiami, tak i z sardečnymi zachvorvańniami. U kožnym vypadku, kazać ab tym, što alerhii pryvodziać da prablem z sercam jašče rana, adnak hetaja asacyjacyja pavinna naściarožyć śpiecyjalistaŭ i paciahnuć za saboj novyja daśledavańni.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary