U Pinskim rajonie dzik irvaŭ čałavieka na hanku chaty

Dzikamu źvieru ŭłaściva paźbiahać kantaktu z čałaviekam. A kali jon usio ž prajaŭlaje ŭ adnosinach da jaho ahresiju i «idzie ŭ ataku», značyć, ludzi parušyli niapisanyja praviły suisnavańnia z «bratami mienšymi». Što i adbyłosia na dniach u Pinskim rajonie.

13 vieraśnia miechanizatary AAT «Parachonsk» Pinskaha rajona prybirali kukuruzu pablizu vioski Maładzielčycy. U hety čas u sakavitaj pasadcy žyravaŭ dzik (a, mahčyma, i nie adzin).

Kali paśla prachodu techniki zastaŭsia tolki zialony astravok niaskošanoj kukuruzy, «zahnany ŭ kut» źvier u pošukach chovanki rvanuŭ u bok vioski.

Kaban, prałomvajučy płaty, niośsia praz padvorki viaskoŭcaŭ,

Raźjušany dzik kinuŭsia na vypadkovuju achviaru i nanios piensijanieru značnyja traŭmy.

— Kościa źbiraŭsia ŭ kramu, — raspaviała karespandentu «Viačorki» rodnaja siastra paciarpiełaha Maryja Ryhoraŭna But-Husaim. Ich damy na vulicy Centralnaj stajać adzin suprać adnaho. —

Jon užo zamykaŭ u domie ŭvachodnyja dźviery, kali na adkrytuju vierandu ŭlacieŭ dzik i pačaŭ irvać jaho ikłami. U brata mocna paškodžanyja nohi i śpina, ale žyćciova važnyja arteryi nie začeplenyja.

Razrabiŭšysia z haspadarom doma na Centralnaj, kaban znoŭ vyskačyŭ na vulicu i pabieh u bok sielskaj kramy. U hety čas nasustrač ruchałasia mašyna, i žyviole pryjšłosia źviarnuć. Strašna ŭjavić, što mahło adbycca, kali b na jaho šlachu apynulisia piešachody. A tak

udaram hałavy jon raskryŭ mietaličnyja varoty ŭ čarhovym dvary, u kancy haroda prabiŭ płot ź mietaličnaj sietki i pajšoŭ tudy, kudy imknuŭsia, — u pojmu Prypiaci.

Na miescy zdareńnia pabyvali supracoŭniki abłasnoj i rajonnaj pryrodaachoŭnych inśpiekcyj. Voś jak prakamientavaŭ situacyju namieśnik načalnika abłasnoj inśpiekcyi achovy žyviolnaha i raślinnaha śvietu pry prezidencie Respubliki Biełaruś Siarhiej Štyk:

— U lipieni biahučaha hoda, pierad pačatkam uboračnaj kampanii, va ŭpraŭleńnie sielskaj haspadarki Pinskaha rajvykankama byŭ nakiravany list, u jakim

rekamiendavałasia pryniać miery pa praduchileńni hibieli žyvioł u miežach palaŭničych uhodździaŭ. U pryvatnaści, pravodzić sienažać, a taksama ŭborku zbožžavych i karmavych kultur pa kirunku ad centra ŭčastka sielskahaspadarčych ziamiel da bakoŭ

niapravilny padychod da ŭborki kukuruznaha pola spravakavaŭ ahresiŭnaść žyvioły.

A kali ź miechanizataraŭ nie pytajucca za datrymańnie mieraŭ pieraściarohi — byvajuć takija nadzvyčajnyja zdareńni. Bo nie sakret, što, prybirajučy karmavyja kultury, miechanizatary niaredka trymajuć u kabinie kambajna abo traktara strelbu. Moža, pašancuje pałasavacca śviežaninaj…

• 0
• 0
• 0
• 0
• 0
• 0
• 0
• 0