U Homielskaj vobłaści zavieršanaje rasśledavańnie kryminalnaj spravy ŭ dačynieńni da 32-hadovaha viaskovaha žychara, jaki abvinavačvajecca ŭ ździajśnieńni złačynstvaŭ, praduhledžanych č. 3 art. 166 (zhvałtavańnie, učynienaje paŭtorna, zaviedama małaletniaj), č. 1 art. 205 (kradziež), art. 186 (pahroza zabojstvam) Kryminalnaha kodeksa.
Jak paviedamiła BiełaPAN aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava,
ad leta 2011 hoda da viasny 2012 hoda abvinavačvany nieadnarazova ździajśniaŭ sa svajoj padčarkaj, 1998 hoda naradžeńnia, hvałtoŭny połavy akt, pahražajučy raspravaj i užyvajučy da jaje fizičnuju siłu.
U mai 2012 abvinavačvany, budučy ŭ stanie ałkaholnaha apjanieńnia, znachodziačysia pa miescy žycharstva i pačuŭšy admovu padčarycy ad pajezdki ź im na pracu ŭ načnuju źmienu, staŭ pahražać joj zabojstvam.
Pahrozy mužčyna supravadžaŭ demanstracyjaj siakiery i ŭ vyniku nanios joj udar pa kuchonnaha šafie.Maci školnicy, jakaja prysutničała pry skandale, patelefanavała ŭ milicyju.
Nieŭzabavie była vyjaŭlena ŭsia supraćpraŭnaja dziejnaść abvinavačanaha. U chodzie rasśledavańnia kryminalnaj spravy byli dapytanyja śviedki, praviedzieny sudova-miedycynskija ekśpiertyzy.
Abvinavačany nie admaŭlaje fakt učynienych im złačynstvaŭ, u tym liku kradziažy ŭ susiedniaj vioscy.
Vytvorčaść śledčych dziejańniaŭ zavieršana. Kryminalnaja sprava nakiravanaja ŭ sud.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary