Biełaruś i Rasija pryjšli da pahadnieńnia nakont «Sajuzkalija»
Rasijski i biełaruski akcyjaniery Biełaruskaj kalijnaj kampanii pryjšli da pahadnieńnia pa pryncypovych pytańniach stvareńnia «Sajuzkalija», paviedamiŭpres-sakratar ZAT «BKK» Filip Hryckoŭ.
«Baki pryjšli da pahadnieńnia pa pryncypovych pytańniach, supiarečnaści źniaty, ciapier my pracujem nad detalami ałharytmu ŭzajemadziejańnia rasijskaha i biełaruskaha akcyjanieraŭ», — adznačyŭ pradstaŭnik Biełaruskaj kalijnaj kampanii ŭ kamientaryi pa vynikach praviedzienaha 30 žniŭnia pasiadžeńnia Prezidyuma Savieta Ministraŭ.
Kampanija «Sajuzkalij» budzie stvorana AAT «Biełaruśkalij» i AAT «Urałkalij» na bazie ZAT «Biełaruskaja kalijnaja kampanija» i zarehistravana ŭ Šviejcaryi. Da jaje piarojduć funkcyi BKK jak ekskluziŭnaha trejdara abiedźviuch kampanij.
Raniej hienieralny dyrektar BKK Valeryj Ivanoŭ u hutarcy z žurnalistami adznačyŭ, što stvareńnie kampanii — pracedura niaprostaja i patrabuje času. «Heta nie mienš jak paŭhoda paśla pryciaćcia stanoŭčaha rašeńnia pa stvareńniu „Sajuzkalija“. Jość pracedura, źviazanaja z antymanapolnymi kamitetami niekatorych dziaržaŭ, jakija pavinny pryniać stanoŭčaje rašeńnie pa hetamu pytańniu. A paśla kampanija pačnie pracavać», — skazaŭ Valeryj Ivanoŭ. Havoračy ab tym, što vyjhraje biełaruski bok u vyniku, kali stanoŭčaje rašeńnie budzie pryniata, hienieralny dyrektar BKK adznačyŭ, što asnoŭnaja zadača — pryciahnieńnie kredytnych resursaŭ na vyhadnych umovach. Hetyja srodki mohuć być vyhadna vykarystany na pierśpiektyvu. Akramia taho, jašče adna važniejšaja zadača «Sajuzkalija» — zabiaśpiečyć abjomy realizacyi ŭhnajeńniaŭ i canu na ich na davoli vysokim uzroŭni.
ZAT «Biełaruskaja kalijnaja kampanija» stvorana ŭ 2005 hodzie. Akcyjanierami kampanii źjaŭlajucca AAT «Biełaruśkalij» (45 pracentaŭ), AAT «Urałkalij» (50 pracentaŭ) i Biełaruskaja čyhunka (5 pracentaŭ). Dola Biełaruskaj kalijnaj kampanii na suśvietnym rynku ekspartu kalijnych uhnajeńniaŭ składaje bolš jak 40 pracentaŭ. BKK ekspartuje kalijnyja ŭhnajeńni ŭ Jeŭropu, Indyju, Kitaj, Centralnuju i Paŭdniovuju Amieryku, ZŠA,
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary