Abjadnanaja hramadzianskaja partyja prapanuje ŭładzie admianić u Biełarusi parłamienckija vybary. Pra heta 10 žniŭnia napres-kanfierencyi zajaviŭ lidar AHP Anatol Labiedźka.
Pavodle jaho słoŭ, adpaviednaja palityčnaja zajava ŭžo hatova i ŭ paniadziełak, 13 žniŭnia, budzie nakiravana va ŭsie dziaržaŭnyja ŭstanovy, u tym liku ŭ Administracyju prezidenta, va ŭrad i ŭ Pałatu pradstaŭnikoŭ.
«Paśla taho jak zavieršany etap farmiravańnia vybarčych kamisij, treba nazyvać rečy svaimi imionami. U nas jość psieŭdavybary ŭ iłžeparłamient.I tut paŭstaje pytańnie: navošta nam naohuł takija instytuty, jakija nichto nie vybiraje, jakija pryznačajucca, jakija spažyvajuć vialikuju kolkaść hrošaj padatkapłacielščykaŭ, jakija ni za što nie niasuć adkaznaści i jakija na praciahu čatyroch hadoŭ inicyjavali tolki adzin zakonaprajekt?» — skazaŭ Labiedźka.
«U toj situacyi, u jakoj zakanadaŭstva i pravaprymianialnaja praktyka ŭ Biełarusi paharšajucca, mahčyma, nam naohuł admovicca ad psieŭdavybaraŭ u łžeparłamient», — zajaviŭ Labiedźka.
Na jaho dumku, u parłamient možna pryznačyć pradstaŭnikoŭ i biez vybaraŭ, što pryviadzie da vielizarnaj ekanomii srodkaŭ dziaržaŭnaha biudžetu.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha14
Kamientary