Kalakin: U Jeŭropie ličyli Łukašenku ledź nie sacyjalistam, a hetyja dziejańni vykryli jaho
U Minsk nie puścili ŭdzielnikaŭ kanfierencyi Partyi ŭrapiejskich levych.
Niekatorym udzielnikam mižnarodnaj kanfierencyi Partyi jeŭrapiejskich levych (PIEŁ) «Demakratyja i ekanamičny kryzis» admoŭlena ŭ biełaruskich vizach, paviedamlaje BiełaPAN. Kanfierencyja adbyvałasia ŭ Minsku 9–10 červienia.
Jak paviedamiŭ na presavaj kanfierencyi pa vynikach forumu lidar Biełaruskaj partyi levych «Spraviadlivy śviet» Siarhiej Kalakin, vizavyja słužby Biełarusi admovili va ŭjaznych vizach Iržy Chudzierčyku z Čechii, a taksama Siarhieju Jurhiensu i Uładzimiru Kručyninu z Estonii. Prablemy z atrymańniem vizy mieŭ taksama pradstaŭnik partyi «Adziny śpis» (Danija), doktar palitałohii Uładzimir Karłsen, jakomu ŭsio ž udałosia dabracca da Minska.
Takija dziejańni ŭładaŭ Siarhiej Kalakin rasceńvaje jak sprobu sarvać praviadzieńnie mižnarodnaj kanfierencyi ŭ Minsku.
Pavodle Kalakina, arhanizatary «bajalisia, što ŭ suviazi z admovaj u vydačy vizaŭ vykankam PIEŁ prymie rašeńnie ab niametazhodnaści praviadzieńnia kanfierencyi ŭ Minsku».
«Ale, naadvarot, u hetaj situacyi PIEŁ vyrašyła aktyvizavać i pašyrać mahčymaści praviadzieńnia mierapryjemstvaŭ tut, niahledziačy na supraćdziejańnie ŭładaŭ. Ułady svaimi mierami sasłužyli sabie drennuju słužbu, a dla nas zrabili pablisici ŭ mnohich jeŭrapiejskich krainach. U Jeŭropie ličyli Łukašenku ź jaho rytorykaj ledź nie sacyjalistam, a hetyja dziejańni prosta vykryli jaho samoha», — miarkuje Siarhiej Kalakin.
* * *
Partyja jeŭrapiejskich levych (PIEŁ) stvoranaja ŭ lipieni 1998 h. sacyjalistyčnymi, kamunistyčnymi, levymi i zialonymi partyjami Jeŭropy. Jaje hałoŭnaja meta — stvareńnie adzinaj sacyjalnaj, demakratyčnaj, mirnaj, salidarnaj i ekałahična abaronienaj Jeŭropy.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary