Prezident Litvy Dala Hrybaŭskajcie, jakaja znachodzicca ź vizitam u Čykaha, na sustrečy ź litoŭcami Amieryki papiaredziła, što kali budzie ŭzakoniena padvojnaje hramadzianstva, u jaho buduć imknucca i ludzi «z Uschodu», jakija pražyvajuć «na terytoryjach, jakim my jašče nie možam daviarać».
Prezident skazała, što jana sama chacieła b, kab «było i zastavałasia jak maha bolš hramadzian Litvy».
«Ale ja chaču, kab vy zrazumieli — hetaje pytańnie dalikatnaje nie tolki tamu, što naša Kanstytucyja davoli stroha praduhledžvaje, kab takija vypadki byli vyklučnymi i redkimi, ale ja taksama chaču nahadać, što patencyjnyja hramadzianie ŭ nas jość nie tolki ŭ Amerycy i na Zachadzie, ale i na Uschodzie», — skazała jana.
«Prapanavanyja papraŭki da zakonu aznačajuć, što padvojnaje hramadzianstva biez pracy mohuć atrymać i žychary terytoryjaŭ, jakim my, na žal, jašče nie možam daviarać. Adčyniajučy dźviery, my b adčynili ich dla ŭsich», - skazała Hrybaŭskajcie na sustrečy, arhanizavanaj pierad samitam NATO ŭ Čykaha.
Jana adznačyła, što była vymušana nakłaści vieta na zakon ab padvojnym hramadzianstvie, kali atrymała vysnovy ekśpiertaŭ pa kanstytucyjnym pravie.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary