Jak źniać Kanski film na pracoŭnym miescy
Kanskaja moładzievaja kamedyja «Klerki», źniataja ŭ videakramie i «Navuka vadzić mašynu» z hierojem ad «Hary Potera»
Klerki (Clerks)
ZŠA, 1994, čorna-bieły, 92 chv.
Režyser: Kievin Śmit
Roli vykonvajuć: Brajan O'Hałaran, Džef Andersan, Merylin Hiljoty, Džejsan Ḿjuz, Kievin Śmit, Skot Maśje, Ŭołter Fłeniehan
Žanr: Moładzievaja kamedyja
Adznaka: 6,5 (z 10)
Pryz Maładości na Kanskim feście Kievinu Śmitu, uznaharody na feście ŭ Dziuvile j Sandensie.
Dante j Rendał pracujuć handlarami ŭ drobnych kramach. Siarod pakupnikoŭ traplajucca vielmi dzivosnyja asoby. Dyj sami hieroi nie biez prablemaŭ: tak Dante byłaja siabroŭka zdradziła 8 ½ razoŭ (pryvitańnie Felini), a apošniaja kachanka mieła 38 mužčynaŭ. Zamarkočany Dante sprabuje pracavać sumlenna - a abibok Rendał usialak hetamu pieraškadžaje, davodziačy da šalenstva pakupnikoŭ.
Akramia taho la kramy tusujucca prydurki-narkahandlary (Džejsan Ḿjuz i Kievin Śmit), jakija nie dadajuć hierojam radaści...
Moładzievaja kamedyja, paśpiachova pradstaŭlenaja ŭ Kanach, źniataja za ŭłasnyja hrošy… ŭ videakramie, dzie padpracoŭvaŭ handlarom Kievin Śmit. A aktorami stalisia sam Kievin Śmit i jahonyja siabry.
Chakiej na dachu, jurlivy dziadok-niabožčyk, nieščaślivaja vandroŭka na paminki, paciešliva-pakutlivyja svarki klerkaŭ. Hit-parad niedarečnaściaŭ, brutalnyja kpiny, cytaty z “Boskaj kamedyi” i ździeklivaje syniefilstva.
Pavodle amerykanskaj statystyki, mienavita karcinu “Klerki” najčaściej krali ŭ videaprakacie.
Navuka vadzić mašynu (Driving Lessons)
Vialikabrytanija, 2006, kalarovy, 98 chv.
Režyser: Džeremi Brok
Roli vykonvajuć: Džuli Ŭołters, Rupert Hrym, Łaŭra Lini, Nikałas Fareł, Džym Nortan, Mišel Dunkan, Oliver Miłbern, Temsin Ehiertan, Fej Koen
Žanr: Drama
Adznaka: 6 (z 10)
Admysłovy pryz žury Džeremi Broku na Maskoŭskim kinafeście, tamsama j “Srebny Hieorhi” Džulii Ŭołters, jak najlepšaj aktrysie
Pad kiraŭnictvam uładnaj matuli siamnaccacihadovy hieroj Ruperta Hryma (Ron Ŭiźli z “Hary Potera”) dahladaje dom i staranna čytaje Bibliju. Ale jahonaje žyćcio źmianiajecca, kali jon pačynaje padpracoŭvać u staroj aktrysy Evi. Eks-zorka vučyć chłopca łajacca, pić, kiravać mašynaj i zabiraje z saboj na Edynburski teatralny fest…
Praniźlivaja navuka vychavańnia ad aktrysy Džuli Ŭołters; jejnaja hierainia - hratesknaja j biezabaronnaja staraja, zabytaja zorka mylnych operaŭ - jość stryžniem karciny.
Dalikatnaść i hruntoŭnaść brytanskaj dramy, navuka samastojnaści j čałaviečnaści, historyja siabroŭstva j staleńnia.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary