24 sakavika, a12-j hadzinie Kupałaŭski miemaryjalny zapaviednik «Viazynka», filijał Dziaržaŭnaha litaraturnaha muzieja Janki Kupały, zaprašaje na Hukańnie viasny.
Muziej ładzić mierapryjemstva sumiesna sa Studenckim etnahrafičnym tavarystvam.
Hości śviata atrymajuć mahčymaść pačuć hukalnyja pieśni, dałučycca da viesnavych karahodaŭ, pryniać udzieł u narodnych hulniach, patančyć pad dudu, pahuškacca na arelach, naviedać kirmaš narodnych majstroŭ. Paśla aktyŭnych hulniaŭ i šparkich tancaŭ naviedvalnikaŭ čakajuć stravy tradycyjnaj biełaruskaj kuchni.
Uvachod: 3000 rubloŭ (dla darosłych), 1500 rubloŭ (dla dziaciej).
Prajezd: ad Centralnaha čyhunačnaha vakzała elektryčkaj u nakirunku Minsk — Maładziečna, prypynak — Viazynka.
Kamientary